ايماقتار • 06 ءساۋىر، 2020

ازاماتتارعا ارنالعان ۇكىمەت قىزمەتكەرلەرى دەمالىسسىز جۇمىس ىستەۋدە

97 رەتكورسەتىلدى

مەملەكەت باسشىسىنىڭ شۇعىل تاپسىرماسىن ورىنداۋ ءۇشىن «ازاماتتارعا ارنالعان ۇكىمەت» مك كەاق الەۋمەتتىك بلوگىنىڭ قىزمەتكەرلەرىنە جۇكتەمە 4 ەسەگە ارتتى. وسى كۇندەرى ازاماتتارعا ارنالعان ۇكىمەت قىزمەتكەرلەرى  42500 تەڭگەنى الۋعا جولدانعان 20 مىڭنان استام ءوتىنىشتى وڭدەدى.

«ازاماتتارعا ارنالعان ۇكىمەت» مك كەاق الماتى قالاسى بويىنشا فيليالىنىڭ ۇيىمشىل ۇجىمى الەۋمەتتىك تۇراقتىلىقتى ساقتاۋ ءۇشىن، پرەزيدەنتتىڭ قايتا ەسەپتەۋ جونىندەگى تاپسىرماسىن ورىنداۋ ماقساتىندا ونلاين قىزمەت كورسەتۋدە. بۇل جۇمىسقا فيليالدىڭ  الەۋمەتتىك بلوگىنىڭ 200-دەن اسا قىزمەتكەرى جۇمىلدىرىلعان، ونىڭ ىشىندە 100-دەن اسا وپەراتور بەك-وفيستەردە جانە 100-دەن اسا وپەراتور ۇيدە ونلاين قىزمەت كورسەتۋدە. جۇمىس كەستەسى تاڭعى ساعات 8-دەن باستالىپ 22-گە دەيىن، كەيدە ودان دا ۇزاققا سوزىلۋدا، دەلىنگەن ءتيىستى مەكەمەنىڭ ءباسپاسوز حابارلاماسىندا. ماماندار ازاماتتاردىڭ وتىنىشتەرىن قابىلدايدى، تەكسەرەدى جانە ۋاكىلەتتى ورگانعا جىبەرەدى.الەۋمەتتىك ساقتاندىرۋ جونىندەگى مەملەكەتتىك قوردىڭ (گفسس) راستاۋىنان كەيىن، قۇجاتتاردى تولەم جاساۋ ءۇشىن بازاعا ەنگىزەدى.

بۇگىنگى كۇنگە دەيىن  رەسپۋبليكا بويىنشا كەلىپ تۇسكەن 1 ميلليون 200 مىڭعا جۋىق ءوتىنىشتىڭ 20 مىڭنان استامى الماتى قالاسىنىڭ ۇلەسىندە. فيليال قىزمەتكەرلەرى ولاردى وڭدەپ، تولەم جاساۋدى قامتاماسىز ەتۋدە.

سونداي-اق، 1414 call-ورتالىعىندا جۇمىس ىستەۋ ءۇشىن الەۋمەتتىك بلوكتىڭ  2 وپەراتورى بولىنگەن، ولار ازاماتتاردىڭ الەۋمەتتىك تولەمدەرگە قاتىستى سۇراقتارىنا جاۋاپ بەرەدى.

«ەلدەگى قازىرگى جاعداي بارىمىزدەن بىرلىكتى تالاپ ەتەدى.  ءبىزدىڭ قىزمەتكەرلەرىمىز ەسەلەنە تۇسكەن جۇمىسىنا  بارلىق كۇش جىگەرىن جۇمساپ، قايراتتىلىق تانىتۋدا، ويتكەنى جاۋاپكەرشىلىك جۇگى وتە اۋىر. بارلىق اۋدانداردا جاردەماقىعا وتىنىشتەر تولاسسىز كەلىپ تۇسۋدە. قىزمەتكەرلەرىمىزدىڭ توزىمدىلىگى مەن شىدامدىلىعىنىڭ ارقاسىندا تاپسىرما ساپالى ورىندالۋدا. بۇل ورايدا،فيليالدىڭ الەۋمەتتىك قامتاماسىز ەتۋ بلوگىنىڭ بارلىق قىزمەتكەرلەرىنە العىسىمدى بىلدىرەمىن!» - دەيدى فيليال ديرەكتورى دانيار قىرىقباەۆ.  

 

الماتى

سوڭعى جاڭالىقتار

ۇقساس جاڭالىقتار