ايماقتار • 06 ءساۋىر، 2020

نۇر-سۇلتاندا قاشىقتان ءبىلىم بەرۋ جۇيەسىنىڭ العاشقى كۇنى باستالدى

23 رەتكورسەتىلدى

بۇگىن، ياعني 6 ءساۋىر كۇنى قازاقستان مەكتەپتەرىندە ءتورتىنشى توقسان باستالدى. الايدا ەلدەگى توتەنشە جاعدايعا بايانىستى وقۋشىلار قاشىقتان وقۋعا كوشۋگە ءماجبۇر.

نۇر-سۇلتاندا كارانتين كەزىندە ستۋدەنتتەر مەن وقىتۋشىلاردى قاشىقتان وقۋعا كوشىرۋ بويىنشا كوپتەگەن جۇمىستار اتقارىلدى. بارلىق مۇعالىمدەر مەن حالىقتىڭ الەۋمەتتىك وسال توپتارىنا جاتاتىن بالالار ينتەرنەتپەن جانە كومپيۋتەرمەن، فلەش-كارتالارمەن قامتاماسىز ەتىلدى، دەپ حابارلايدى نۇر-سۇلتان قالاسى اكىمدىگىنىڭ رەسمي سايتى. وقۋ شارالارى ينتەرنەتتى قاجەت ەتپەيتىن تەتىكتەر ارقىلى دا ۇيىمداستىرىلادى. اتاپ ايتقاندا، راديو، تەلەارنالار مەن پوشتا ارقىلى جۇزەگە اسادى. ساباقتار «ەلارنا» جانە «بالاپان» ارنالارىندا ورىس جانە قازاق تىلدەرىندە كورسەتىلەدى. الايدا كەيبىر مەكتەپتەر وقۋشىلارمەن بايلانىسۋدىڭ باسقا دا مۇمكىندىكتەرىن قاراستىرا الادى.

«بۇل ەلىمىز ءۇشىن العاشقى تاجىريبە. ءبىزدىڭ مەكتەپ ءۇشىن Google قوسىمشالارىن تاڭدادىق. بۇل – مۇعالىمدەرمەن جانە ستۋدەنتتەرمەن بايلانىس ورناتۋعا ارنالعان Google Meet جانە Google Drive. وندا ءبىز قاجەتتى ماتەريالداردى، كەستەلەر مەن سىلتەمەلەردى جۇكتەيمىز. Google Drive-تىڭ ارتىقشىلىعى – اتا-انالار مەن وقۋشىلار بارلىق اقپاراتتى ءبىر ۋاقىتتا الادى. اتا-انالار بالانىڭ قانداي تاپسىرما الاتىنىن قاداعالاپ، ونى باقىلاي الادى. ءۇشىنشى پلاتفورما – Kundelik قوسىمشاسى. وسى قوسىمشانىڭ كومەگىمەن بالالار مۇعالىممەن كەرى بايلانىس جاساي الادى»، - دەدى نۇر-سۇلتان قالاسىنداعى № 54 مەكتەپ ديرەكتورى شاكارىم سەيسەنباي.

مەكتەپتەردە قوسىمشالاردى پايدالانۋ ءۇشىن مۇعالىمدەر مەن وقۋشىلارعا، اتا-انالارعا ارنالعان نۇسقاۋلىقتار ازىرلەنگەن. ايتا كەتەيىك، قالادا 117 جالپى ءبىلىم بەرەتىن مەكتەپ بار، وندا بارلىعى 182 مىڭنان اسا وقۋشى وقيدى.

سوڭعى جاڭالىقتار

الماتىدا تاعى 37 ادام Covid-199 جۇقتىرعان

كوروناۆيرۋس • بۇگىن، 10:20

الاشتىڭ ارداقتىسى ۇلىقتالدى

رۋحانيات • بۇگىن، 10:02

تاپا-تالتۇستەگى توتەنشە جاعداي

ايماقتار • بۇگىن، 08:55

ەرتىستىڭ سۋى ەگىستىككە پايدالى

ايماقتار • بۇگىن، 08:40

ۇقساس جاڭالىقتار