ايماقتار • 06 ءساۋىر، 2020

نۇر-سۇلتاندا بلوك-بەكەتتەردە ءتارتىپ بۇزعان 128 ادام جازالاندى

16 رەتكورسەتىلدى

ەلوردادا كارانتين جاريالانعاننان بەرى بلوك-بەكەتتەرگە كىرۋ جانە شىعۋ ءتارتىبىن بۇزعانى ءۇشىن 128 ادام جازالاندى. ونىڭ 99-ى قاماۋعا الىنىپ، 19 ازاماتقا ايىپپۇل سالىندى، تاعى 10 ءىس سوت قاراۋىنا جولداندى، دەپ حابارلايدى نۇر-سۇلتان قالاسى اكىمدىگىنىڭ رەمي سايتى.

«30 ناۋرىزدان باستاپ توتەنشە جاعداي رەجيمى كۇشەيتىلدى. نۇر-سۇلتان قالالىق پوليتسيا دەپارتامەنتى ينفەكتسيا تارالۋىنىڭ الدىن الۋ ماقساتىندا بارلىق قاجەتتى شارالار قابىلداۋدا. پاترۋلدىك پوليتسيا جاساقتارى كوبەيتىلدى. ازاماتتاردىڭ جانە اۆتوكولىكتەردiڭ قوزعالىسى قالانىڭ بارلىق اۋدانىندا قاتاڭ باقىلاۋعا الىندى»، دەيدى قالالىق پوليتسيا دەپارتامەنتىنىڭ ءباسپاسوز وكىلدەرى.

سونداي-اق قالادا تاۋلىك بويى كەزەكشىلىك جۇمىس ىستەيدى. ءموبيلدى توپتار جۇمىلدىرىلعان. بلوك-بەكەتتەرىندەگى جاعداي دروندار ارقىلى باقىلانادى.

قالا اۋماعى كوشەلەر بويىنشا بىرنەشە بولىككە بولىنگەن. وندا ءتارتىپ ساقشىلارى جاعدايدى قاداعالاپ وتىرادى. قالادا جالپى سانى 26 بەكەت قويىلعان.

ايتا كەتسەك، 28 ناۋرىزدان باستاپ ەلوردا تۇرعىندارىنا ازىق-ت ۇلىك الۋعا، مەديتسينالىق قىزمەتكە جۇگىنۋگە نەمەسە ءدارى-دارمەك ساتىپ الۋعا جانە ارنايى رۇقسات بويىنشا جۇمىسقا بارۋعا رۇقسات ەتىلەدى. قالعان ازاماتتاردىڭ ۇيدەن شىعۋىنا شەكتەۋ قويىلدى. كامەلەت جاسقا تولماعاندار ەرەسەكتەردىڭ قاراۋىنسىز قالادا جۇرۋگە بولمايدى. وتباسى مۇشەلەرىن قوسپاعاندا، كوشەدە 3 ادامنان ارتىق توپتالىپ جۇرۋگە تىيىم سالىنعان.

سوڭعى جاڭالىقتار

جۇزدەگەن تۇرعىنعا جۇمىس تابىلدى

ايماقتار • بۇگىن، 12:44

ۇقساس جاڭالىقتار