ايماقتار • 06 ءساۋىر، 2020

الماتى قالاسىنىڭ مەكتەپتەرى قاشىقتان وقۋ تارتىبىنە كوشتى

53 رەتكورسەتىلدى

بۇگىننەن باستاپ الماتى قالاسىنىڭ مەكتەپتەرى قاشىقتان وقۋ تارتىبىنە كوشتى. وسىعان بايلانىستى الماتى قالاسى ءبىلىم باسقارماسى ءارتۇرلى ادىستەر مەن بالالار ءۇشىن ىڭعايلى بولىپ تابىلاتىن ساباقتاردىڭ جۇيەسى جاسالدى.  

جاراتىلىستانۋ-ماتەماتيكالىق باعىت بويىنشا پاندەردەن ساباقتاردىڭ بەينەجازبالارى، سونداي اق 4-توقساننىڭ ماتەريالدارى بويىنشا جۇزدەن استام ساباق ءتۇسىرىلىپ، ستۋديالىق جازباعا قالانىڭ ۇزدىك پەداگوگتارى تارتىلدى. ءبىلىم باسقارماسىنىڭ Youtube كانالىمەن قاتار، بارلىق ساباقتار «الماتى»، «بالاپان»، «ەلارنا» كانالدارىنان كورسەتىلەدى.

پەداگوگتار ءۇشىن 4-توقسان باعدارلاماسى بويىنشا تىرەك كونسپەكتىلەر https://bilimalmaty.kz/predmety ازىرلەندى. تىرەك كونسپەكتىلەردە ساباقتاردىڭ تاقىرىپتارى، قاعاز جانە ەلەكتروندى كوزدەردىڭ سىلتەمەلەرى، ماتەريالدىڭ قىسقاشا مازمۇنى، وقۋشىلارعا ارنالعان تاپسىرمالار بەرىلگەن. سوندىقتان مۇعالىمدە ساباقتىڭ جالپى قۇرىلىمى بولعاندىقتان، ءوزىنىڭ تولىقتىرۋلارى مەن تۇزەتۋلەرىن ەنگىزە وتىرىپ وتكىزۋگە مۇمكىندىك الادى.

مەكتەپ قورىنان مۇقتاج وتباسىلار مەن وقۋشىلارعا، پەداگوگتەرگە 10 000-نان استام كومپيۋتەر بەرىلدى. سونىمەن قاتار، قالا اكىمىنىڭ تاپسىرماسىمەن ءتورت نەمەسە ودان دا كوپ بالالى وتباسىلارعا ارناپ 1500-دەن استام قوسىمشا كومپيۋتەرلىك تەحنيكا ساتىلىپ الىندى.

قاشىقتان وقىتۋ بويىنشا تۋىنداعان ماسەلەلەر مەن سۇراقتارعا جاۋاپ بەرەتىن سall-ورتالىقتارى قۇرىلدى.

پەداگوگتار مەن وقۋشىلارعا ساباق بارىسىندا kundelik.kz، bilimland.kz، daryn.online، Whatsapp، Telegram، ت.ب. پلاتفورمالار قولجەتىمدى بولادى.

قاشىقتان وقىتۋ جۇيەسىنىڭ جۇمىسى وقۋ جىلىنىڭ سوڭىنا دەيىن جالعاسادى.

الماتى قالاسى ءبىلىم باسقارماسىنىڭ فەيسبۋك جەلىسىندەگى پاراقشاسىندا قالاداعى وقۋشىلاردىڭ وقۋىن جالعاستىرۋىن جانە داعدىلى وقۋ ۇدەرىسىنە كىرىسىپ كەتۋى ءۇشىن بارلىق مۇمكىندىكتەر جاسالاتىندىعى ايتىلعان.

 

الماتى

سوڭعى جاڭالىقتار

ەرلىكتى دارىپتەيتىن قوماقتى قور

رۋحانيات • بۇگىن، 20:12

ەكى قىلمىستىق توپ ۇستالدى

ايماقتار • بۇگىن، 17:45

بالالار ۇيىندەگى ىزگىلىك شاراسى

ايماقتار • بۇگىن، 15:47

ەلتاڭبا تاريحى تالقىلاندى

رۋحانيات • بۇگىن، 14:54

ۇقساس جاڭالىقتار