ايماقتار • 06 ءساۋىر، 2020

ءبىلىم ءمينيسترى مۇعالىمدەردى ءۇي تاپسىرماسىن جەڭىلدەتۋگە شاقىردى

957 رەتكورسەتىلدى

بۇگىننەن باستاپ مەكتەپ وقۋشىلارى قاشىقتان وقۋعا كوشتى.ەلدەگى قالىپتاسقان احۋالدى باسشىلىققا الا وتىرىپ، ءبىلىم جانە عىلىم ءمينيسترى ا.ايماعامبەتوۆ مۇعالىمدەردى ءۇي جۇمىسىن بەرگەن كەزدە وقۋشىلارعا سالماق سالماۋعا شاقىردى. وسى ورايدا ءتيىستى ۆەدومستۆو باسشىسى ءار بالانىڭ بەسكە وقىپ، جاقسى ناتيجە كورسەتۋىنە ەمەس، جەكەلەگەن پانەر بويىنشا جەتىستىكتەرىنە دە نازار اۋدارۋ قاجەتتىگىن اتاپ ءوتتى.

ءاربىر مۇعالىم ءوز ءپانى بويىنشا مەيلىنشە كوپ ءۇي تاپسىرماسىن بەرۋگە تىرىسۋى مۇمكىن. بىراق بۇل جاعدايعا جول بەرمەۋگە شاقىرعان مينيستر قاشىقتان وقىتۋ ۇيىمداسقان نەگىزدە جۇزەگە اسىپ، ءار بالانىڭ ءوزى ءۇشىن ءبىلىم الاتىندىعى ەسكەرىلەتىندىگىن دە اتاپ ءوتتى. سوندىقتان دا اركىم ءوز مىندەتىن قالىپتى جاعدايدا ورىنداۋى ءتيىس. سونىمەن قاتار تەحنيكالىق ماسەلەلەردىڭ دۇرىس شەشىلۋىنە نازار اۋدارعان ابزال. بۇل باعىتتا مينيسترلىك ءبىلىم الۋعا قولايلى جۇيەلەردىڭ بارلىعىن باقىلاۋعا الاتىن بولادى.

سوڭعى جاڭالىقتار

ۇقساس جاڭالىقتار