ايماقتار • 06 ءساۋىر، 2020

باستى مىندەت – ىندەتتىڭ بەتىن قايتارىپ، باعانى باقىلاۋدا ۇستاۋ

16 رەتكورسەتىلدى

بۇگىن وبلىس اكىمى گۇلشارا ابدىقالىقوۆانىڭ توراعالىعىمەن اپپارات وتىرىسى  وتكىزىلدى. قالا جانە اۋدان اكىمدەرى سەلەكتورلىق بايلانىس ارقىلى قاتىسقان جيىندا ايماق باسشىسى جاڭادان تاعايىندالعان ورىنباسارلارىن تانىستىردى.

قازاقستان رەسپۋبليكاسى پرەزيدەنتى اكىمشىلىگىنىڭ كەلىسىمى بويىنشا وبلىس اكىمىنىڭ وكىمىمەن سۇلەيمەنوۆ سەرىك ءجۇسىپ ۇلى وبلىس اكىمىنىڭ ورىنباسارى لاۋازىمىنا تاعايىندالىپ وتىر. ول قۇرىلىس، ەنەرگەتيكا، تۇرعىن ءۇي جانە كولىكتىك ينفراقۇرىلىمدى دامىتۋ سالالارىنا جەتەكشىلىك ەتەتىن بولادى.

بۇگىننەن باستاپ وبلىس اكىمىنىڭ ىشكى ساياسات، جاستار ماسەلەسى، مادەنيەت پەن سپورت جانە جۇمىلدىرۋ دايىندىعى سالالارىنا جەتەكشىلىك ورىنباسارى قىزمەتىنە احمەت سەرىك ءابجالى ۇلى تاعايىندالدى.  قازاقستان رەسپۋبليكاسى پرەزيدەنتى اكىمشىلىگىنىڭ كەلىسىمى بويىنشا وبلىس اكىمىنىڭ وكىمىمەن وسى قىزمەتكە تاعايىندالعان سەرىك ءابجالى ۇلىنا وبلىس اكىمدىگى مەن قۇقىق قورعاۋ ورگاندارى اراسىنداعى ءوزارا ءىس-قيمىلدى جۇزەگە اسىرۋ، وبلىستاعى قالىپتاسقان توتەنشە جاعدايلارداعى جۇمىستاردى ۇيلەستىرۋ دە  جۇكتەلىپ وتىر.

سونداي-اق، وبلىس اكىمىنىڭ ورىنباسارى جاحانوۆ باقىت دۇيسەن ۇلى اۋىل شارۋاشىلىعى، جەر قاتىناستارى، تابيعات پايدالانۋدى رەتتەۋ، ۆەتەريناريا، يندۋستريالدى-يننوۆاتسيالىق دامۋ، كاسىپكەرلىك جانە ءتۋريزمدى دامىتۋ سالالارىنا جاۋاپتى بولادى.

ال وبلىس اكىمىنىڭ ورىنباسارى بايقاداموۆ ناۋرىزباي سەيىتقالي ۇلى ءبىلىم، دەنساۋلىق، جۇمىسپەن قامتۋ جانە ەڭبەك سالاسىنداعى باقىلاۋ سالالارىنا جەتەكشىلىك ەتەدى.

وتىرىستا مەملەكەت باسشىسىنىڭ جۇمىسسىز جاستارعا «جۇمىسپەن قامتۋدىڭ جول كارتاسى» باعدارلاماسى اياسىندا ءتيىستى جالاقى تولەي وتىرىپ، ولاردى سۋ تاسقىنىنا قارسى ءىس-قيمىلدارعا، كوكتەمگى ەگىنگە، قۇرىلىسقا جانە باسقا دا جۇمىستارعا تارتۋ تۋرالى تاپسىرماسىنىڭ ايماقتا ورىندالۋ بارىسى باياندالدى. بۇل باعىت بويىنشا  وڭىرگە 37 ملرد. تەڭگە قارجى بولىنۋدە. اتقارىلاتىن شارالار تۋراسىندا وبلىس اكىمنىڭ ورىنباسارى باقىت جاحانوۆ باياندادى.

سونىمەن قاتار، جيىندا ايماقتا كورناۆيرۋس ىندەتىمەن كۇرەس، ازىق-ت ۇلىك باعالارى جانە  جەرگىلىكتى جەردەگى قوعامدىق-ساياسي احۋال تالقىلاندى. جاۋاپتى سالا باسشىلارى، قىزىلوردا قالاسى مەن اۋدان اكىمدەرى ايماق باسشىسىنا اتقارىلعان جۇمىستار تۋرالى ەسەپ بەردى.

سوڭعى جاڭالىقتار

ەرتەڭ قىزىلوردادا كۇن كۇرت ىسيدى

ايماقتار • بۇگىن، 17:22

اقمولادا 3 ادام سۋعا كەتتى

ايماقتار • بۇگىن، 13:42

ۇقساس جاڭالىقتار