قوعام • 06 ءساۋىر، 2020

قاراۋسىز بالا قاۋىپكە ۇرىنادى

11 رەتكورسەتىلدى

ەلىمىزدە ءارتۇرلى جاراقاتپەن اۋرۋحاناعا تۇسكەن بالالاردىڭ 70 پايىزى قاراۋسىز قالعاندىقتان قاۋىپكە دۋشار بولعانى انىقتالعان. دۇنيەجۇزىلىك دەنساۋلىق ساقتاۋ ۇيىمى كىشكەنتايلاردى بەس مينۋتتان ارتىق قاراۋسىز قالدىرماۋعا كەڭەس بەرەدى. بىراق ەلىمىزدەگى ستاتيستيكا باسقاشا.

قازاقستاندا 0-1 جاس ارالىعىنداعى سابيلەر ورتاشا ەسەپپەن – 10 مينۋتقا، 1-2 جاستاعىلار – 16 مينۋتقا، 2-3 جاستاعىلار – 33 مينۋتقا، ال 3-4 جاستاعى بالدىرعاندار 41 مينۋتقا قاراۋسىز قالادى ەكەن. ال كىشكەنتاي بالالاردىڭ ءارتۇرلى قاۋىپ-قاتەرگە ۇرىنىپ، جاراقات الۋىنا بەس مينۋت تا جەتكىلىكتى. قاس-قاعىم ساتتە قانداي قاۋىپكە ۇرىناتىنىن باعامداپ تا ۇلگەرمەيسىز. سوندىقتان قاتەر اياق استىندا ەكەنىن ۇعىنىپ، ءار اتا-انا قاۋىپسىزدىك شارالارىن قاتاڭ ساقتاۋى كەرەك.

قوعامدىق دەنساۋلىق ساقتاۋ ۇلتتىق ورتالىعىنىڭ جۇقپالى ەمەس اۋرۋلاردىڭ الدىن الۋ دەپارتامەنتى ءبولىمىنىڭ باس مامانى قۋانىش الىمبەتوۆتىڭ ايتۋىنشا، بالالاردىڭ جاراقاتتانۋى تۇرمىستىق، كولىكتىك، سپورتتىق دەپ بولىنەدى. سونىڭ ىشىندە تۇرمىستىق جاراقاتتارعا مەكتەپ جاسىنا دەيىنگى بالالار كوبىرەك ۇرىنادى ەكەن. ال ونىڭ دەنى ­– قاراۋسىز قالعاندىقتان بولادى.  سوندىقتان قوعامدىق دەنساۋلىق ساقتاۋ ۇلتتىق ورتالىعى يۋنيسەف-پەن بىرلەسىپ، بالالار جاراقاتىن ازايتۋ ماقساتىندا بىرقاتار شارۋانى قولعا العان. بىرلەسكەن جۇمىس شەڭبەرىندە اقپاراتتىق-كوممۋنيكاتسيالىق ستراتەگيالار جوباسى جاسالىپ، جاراقاتتانۋدىڭ الدىن الۋ جانە بولدىرماۋ جونىندە رەسۋرستىق ورتالىق اشۋ جوسپارلانعان.

ماماندار بالالاردىڭ دەنساۋلىعى – ەڭ الدىمەن اتا-انالاردىڭ قولىندا ەكەنىن، ولار قاۋىپسىزدىك شارالارىن ساقتاپ، جاۋاپكەرشىلىكتى كۇشەيتسە، جاراقاتتانۋدىڭ 90 پايىزىن الدىن الۋعا بولاتىنىن ايتادى.

قىمبات توقتامۇرات

سوڭعى جاڭالىقتار

ەلدىك نىشاندار تاريحى

قازاقستان • كەشە

ۇقساس جاڭالىقتار