ءبىلىم • 06 ءساۋىر، 2020

قىزدار ۋنيۆەرسيتەتى مەكتەپ مۇعالىمدەرىنە كومەك كورسەتىپ جاتىر

21 رەتكورسەتىلدى

ەلىمىزدەگى قاشىقتان وقىتۋ تەحنولوگياسى ارقىلى وقۋشىلارعا ءبىلىم بەرۋدى وڭتايلى ۇيىمداستىرۋ ءۇشىن قازاق ۇلتتىق قىزدار پەداگوگيكالىق ۋنيۆەرسيتەتىنىڭ وقىتۋشىلارى مەكتەپ مۇعالىمدەرىنە ادىستەمەلىك كومەك كورسەتۋ بويىنشا شەبەرلىك سىنىپتارى مەن ۆەبينارلار سەرياسىن باستادى. بۇل تۋرالى وقۋ ورنىنىڭ رەسمي وكىلى جاندار اسان مالىمدەدى.

«پەداگوگيكالىق جوعارى وقۋ ورىندارىنىڭ ەڭ باستى ميسسياسى – مەكتەپ مۇعالىمدەرىنە ادىستەمەلىك تۇرعىدان كومەك كورسەتۋ. قازىرگى كۇندە مۇعالىم ماماندارىن دايىندايتىن ۇجىمنىڭ الدىندا اتالعان مىندەتتى جۇزەگە اسىرۋدىڭ ورايى تۋىپ وتىر» دەپ اتاپ ءوتتى ج. اسان.

كوروناۆيرۋس ىندەتىنە بايلانىستى ەلىمىزدەگى مەكتەپ وقۋشىلارى مەرزىمىنەن بۇرىن دەمالىسقا شىققانى بەلگىلى. 5 ساۋىردەن باستاپ ولاردىڭ دەمالىس مەرزىمى اياقتالىپ، ال 6 ساۋىردەن قازاقستانداعى ورتا مەكتەپتەر قاشىقتان وقىتۋ تەحنولوگياسى مەن ونلاين تۇردە ءبىلىم الۋعا كوشۋدە.

ەلىمىزدەگى قاشىقتان وقىتۋ تەحنولوگياسى ارقىلى وقۋشىلارعا ءبىلىم بەرۋدى وڭتايلى ۇيىمداستىرۋ ءۇشىن قازاق ۇلتتىق قىزدار پەداگوگيكالىق ۋنيۆەرسيتەتى مەكتەپ مۇعالىمدەرى مەن وقۋشىلارعا ناقتى قولداۋ كورسەتۋ بويىنشا بىرقاتار ءىستى قولعا الدى.

«بۇعان سەبەپ تە جوق ەمەس. ەلىمىزدەگى پەداگوگ كادرلارىن دايارلايتىن ىرگەلى وقۋ ورنىنىڭ قاشىقتان وقىتۋ تەحنولوگياسى بويىنشا كوپجىلدىق تاجىريبەسى بار. ۋنيۆەرسيتەتتىڭ پروفەسسور-وقىتۋشىلارى 8 جىلدان بەرى اتالعان ءادىستى ءساتتى پايدالانىپ كەلەدى» دەيدى وقۋ ورنىنىڭ رەسمي وكىلى.

قولعا الىنعان شارا بارىسىندا ءبىتىرۋشى كۋرس ستۋدەنتتەرى پەداگوگيكالىق پراكتيكا شەڭبەرىندە مەكتەپ وقۋشىلارىنا ونلاين فورماتتا تاپسىرمالاردى ورىنداۋعا، تاربيە جۇمىسى بويىنشا ينتەراكتيۆتى ءىس-شارالاردى ۇيىمداستىرۋعا، ساندىق تەحنولوگيالاردى قولدانا وتىرىپ ساباقتارعا دايىندالۋعا كومەك كورسەتپەك.

سونىمەن قاتار بولاشاق ماماندار مەكتەپ مۇعالىمدەرىنە زاماناۋي تەحنولوگيالاردى پايدالانا وتىرىپ ساباقتار مەن تاپسىرمالاردى دايارلاۋعا، اتا-انالار جانە ءبىلىم الۋشىلارمەن ونلاين تۇردە ءوزارا قارىم-قاتىناس جاساۋدىڭ ءادىس-تاسىلدەرىمەن كەڭىنەن تانىستىرماق.

ۋنيۆەرسيتەتتىڭ پروفەسسور-وقىتۋشىلارى دا بۇل ىستەن قالىس قالمايدى. ولار اتالعان جوبا شەڭبەرىندە قاشىقتان وقىتۋ تەحنولوگياسىنىڭ ەرەكشەلىگى تۋرالى ءوز تاجىريبەلەرىمەن ءبولىسىپ، ادىستەمەلىك كومەك كورسەتۋ بويىنشا شەبەرلىك سىنىپتار سەرياسىن ۇيىمداستىرۋدى باستاپ كەتتى.

اتاپ ايتقاندا، العاش بولىپ ينفورماتيكا جانە قولدانبالى ماتەماتيكا كافەدراسىنىڭ اعا وقىتۋشىلارى نازگۇل مامەتجانوۆا مەن ءلاززات رسالينا ء«بىلىم بەرۋدەگى ونلاين پلاتفورمالار» تاقىرىبىندا ۆەبينار وتكىزدى. وعان الماتى قالاسىنىڭ المالى، الاتاۋ، اۋەزوۆ، بوستاندىق، مەدەۋ، جەتىسۋ، تۇركسىب جانە ناۋرىزباي اۋداندارىنداعى جالپى ءبىلىم بەرەتىن مەكتەپ، گيمنازيا مەن ليتسەيلەردىڭ 100 مۇعالىمى قاتىستى.

الداعى ۋاقىتتا بۇل شارا جالعاسىن تابا بەرەتىن بولادى. وعان ەلىمىزدىڭ وزگە دە وڭىرلەرىندەگى مۇعالىمدەر قاتىسپاق.

ۆەبينارلار مەن شەبەرلىك سىنىپتارى قىزدار ۋنيۆەرسيتەتىنىڭ YouTube جەلىسىندەگى رەسمي پاراقشاسىندا جاريالانادى.

 

 

 

 

 

سوڭعى جاڭالىقتار

Apple Store دۇكەنى نە ءۇشىن قورشالۋدا؟

تەحنولوگيا • بۇگىن، 18:41

قازالىدا 42 جوبا جۇزەگە اسادى

ايماقتار • بۇگىن، 17:47

300 باسپاعا سۋبسيديا بەرىلەدى

ايماقتار • بۇگىن، 17:37

«بايقوڭىر» عارىش كەشەنىنە - 65 جىل

ايماقتار • بۇگىن، 17:30

اپتاپ ىستىقتا قالاي قورعانامىز؟

ايماقتار • بۇگىن، 14:57

ۇقساس جاڭالىقتار