ايماقتار • 06 ءساۋىر، 2020

Polytech Online: ستۋدەنتتەر قازاقستاننىڭ كەز كەلگەن بۇرىشىنان ءبىلىم الادى

18 رەتكورسەتىلدى

ءبىلىم بەرۋ جۇيەسىنىڭ عالامدىق جاڭا بەتالىسى ونلاين وقىتۋدى Stanford، Berkley، MIT سەكىلدى ءىرى-ءىرى ۋنيۆەرسيتەتتەر دايەكتى تۇردە جۇزەگە اسىرىپ كەلەدى. بۇل جالپى كارانتيندىك جاعدايدا قازاقستاندىق ۋنيۆەرسيتەتتەر ءۇشىن سىناقتان ءوتۋدىڭ دە، ءارى وسى باعىتتاعى جەتىستىكتەردى كورسەتۋدىڭ دە جاقسى مۇمكىندىگى بولۋى ءتيىس.

ساتباەۆ ۋنيۆەرسيتەتى جاھاندىق ترەندتەرگە سۇيەنە وتىرىپ، ەلدە كارانتين جاريالانعانعا دەيىن-اق ءوزىنىڭ Polytech Online قىزمەتىن پايدالانىپ، قاشىقتىقتان وقىتۋدى باستاعان بولاتىن. العاشقى كەزەڭدە بۇل سەرۆيس ەكىنشى جوعارى ءبىلىم العىسى كەلەتىن ادامدارعا عانا ارنالدى، تەك 2019 جىلدىڭ كۇزىنەن باستاپ ساتباەۆ ۋنيۆەرسيتەتى ستۋدەنتتەرىنىڭ كوپشىلىگى مىندەتتى پاندەردى blended-learning فورماتىنا، ياعني قاشىقتىقتان وقۋدى كۇندىزگى وقۋ تۇرىمەن ارالاستىرىپ وقۋ فورماتىنا اۋىستىرىلدى. ءبىلىم بەرۋ ماتەريالدارى وسىعان بايلانىستى بەيىمدەلىپ ەنگىزىلدى، ال كوپتەگەن ستۋدەنتتەر ارالاس رەجيمدە ءبىلىم الۋعا ماشىقتاندى.

ساتباەۆ ۋنيۆەرسيتەتى قاشىقتىقتان ءبىلىم بەرۋ ينستيتۋتىنىڭ ديرەكتورى اندرەي سيمونوۆتىڭ ايتۋىنشا، پاندەمياعا (COVID-19)  بايلانىستى قاشىقتىقتان وقىتۋعا جەدەل تۇردە كوشۋ ءۇشىن قولدانىستاعى پلاتفورمانىڭ قۋاتتىلىعى ارتتىرىلدى، بىرقاتار تەحنيكالىق ماسەلەلەر شەشىلدى، سەرۆەرلەر اۋىستىرىلدى، كەڭ جولاقتى ينتەرنەتكە قوسىلۋ ۇيىمداستىرىلدى جانە جۇيەنىڭ رەزەرۆتىك كوشىرۋ مەحانيزمى رەتتەلدى، ينتەرنەت ارنالارى مەن سەرۆەرلەرگە تەست جۇرگىزۋ جۇزەگە اسىرىلدى. بارلىق جۇمىستار 2020 جىلدىڭ 15 ناۋرىزىندا تولىعىمەن اياقتالدى.

بۇل از عانا ۋاقىت ارالىعىندا – ەكى جارىم كۇن ىشىندە ساتباەۆ ۋنيۆەرسيتەتىنىڭ قاشىقتىقتان جۇمىس ىستەۋگە اۋىسقان ادامدارىنىڭ، ياعني ستۋدەنتتەر مەن وقىتۋشىلار سانىنىڭ 9000-نان استام ادامعا دەيىن وسۋىنە مۇمكىندىك بەردى. قاشىقتىقتان وقىتۋدىڭ العاشقى ەكى اپتاسىنىڭ ناتيجەلەرى ۋنيۆەرسيتەتتىڭ جاڭا مۇمكىندىكتەرىن جانە جاڭا جاعدايلارعا دايىن ەكەندىگىن كورسەتتى.

«قاشىقتىقتان وقىتۋ – ءبىزدىڭ ۋنيۆەرسيتەت ءۇشىن جاڭا فورمات ەمەس، سوندىقتان اۋىسۋ تەز ءارى وڭاي بولدى. بۇگىنگى كۇنى  http://polytechonline.kz/  سايتىندا بارلىق ءبىلىم بەرۋ باعدارلامالارىنىڭ ماتەريالدارى ورنالاستىرىلعان – بارلىعى 1396 ءپان. ستۋدەنتتەر ءار ءپان بويىنشا توپتارعا ءبولىنىپ، بەلگىلى ءبىر پروفەسسورلى-وقىتۋشىلار قۇرامىنا تىركەلگەن»، – دەدى ساتباەۆ ۋنيۆەرسيتەتى قاشىقتىقتان ءبىلىم بەرۋ ينستيتۋتىنىڭ ديرەكتورى اندرەي سيمونوۆ.

قاشىقتىقتان وقىتۋ تەحنولوگياسىن قولدانا وتىرىپ، تولىققاندى ءبىلىم بەرۋ وقۋ پروتسەسىنىڭ ناقتى قۇرىلىمىن جانە وقۋ ماتەريالدارىن دارىستەر اراسىندا ۇزدىكسىز، ىڭعايلى جانە ساپالى تۇردە تاراتۋدى قامتاماسىز ەتەتىن قىزمەتپەن ۇيلەسكەندە عانا مۇمكىن بولادى. ساتباەۆ ۋنيۆەرسيتەتىندە قازىردىڭ وزىندە ءبىلىم بەرەتىن بەينەماتەريالداردىڭ مالىمەتتەر بازاسى بار، ونىڭ مۋلتيمەديالىق مازمۇنى ۇنەمى جاڭارتىلىپ وتىرادى.

«مۋلتيمەديالىق كونتەنتتى جاساۋ – بىرنەشە ساتىدان تۇراتىن وتە كۇردەلى پروتسەسس (ستسەناري، سيۋجەتتىك فيلم، ءتۇسىرىلىم، بەينەنى وڭدەۋ جانە ت.ب.).  دالىرەك ايتقاندا، ءبىر ءپان 15 دارىستەن تۇرادى، ءار ءدارىستىڭ ورتاشا ۇزاقتىعى 50 مينۋت، بارلىعى 12 ساعاتتان ارتىق جۇمىس، – دەپ تۇسىندىرەدى اندرەي سيمونوۆ. – مۋلتيمەديالىق بايلانىستىڭ قاشىقتىقتان ءبىلىم بەرۋ فورماسىنىڭ باسقا دا تۇرلەرىنەن ايىرماشىلىعى – مۇندا ۆيزۋاليزاتسيانىڭ زاماناۋي قۇرالدارى – 3D گرافيكاسى، بەينەكليپتەر جانە ت.ب.، ياعني ماتەريالدى ينتەراكتيۆتى تۇردە تۇسىنىكتى ەتەتىن بارلىق نارسەلەر قولدانىلادى».

Polytech Online سەرۆيسىنىڭ اياسىندا ستۋدەنت دارىستەرگە، تەستتەر مەن ءۇي تاپسىرمالارىنا قول جەتكىزە الادى. كەز كەلگەن جاعدايدا وقىتۋشىمەن بايلانىسىپ، وعان سۇراق قويۋعا، ۆەبينارعا قاتىسۋعا ارقاشان مۇمكىندىك بار. بۇل قىزمەت ءتۇرى العاشىندا اپتاسىنا 240 ساعات ۆەبينار وتكىزۋگە ارنالعان بولاتىن.

ستۋدەنتتەر سونىمەن قاتار ونلاين تۇردە بايلانىس جاساۋدى قامتاماسىز ەتەتىن Microsoft Teams، Skype، Zoom سەكىلدى باسقا دا بالاما IT-قۇرالدارىن قولدانا الادى.

وسىلايشا، Polytech Online ۆيرتۋالدى اۋديتورياعا اينالىپ، ستۋدەنتتەرگە قازاقستاننىڭ كەز كەلگەن بۇرىشىنان ءبىلىم الۋعا مۇمكىندىك بەرىپ وتىر. سونىمەن بىرگە كارانتين كەزىندە ۇيلەرىنە كەتكەن ستۋدەنتتەر وقۋ پروتسەسىن ۇزبەي ءبىلىم الا الادى، ال ينتەرنەتكە قوسىلا الماعان جاعدايدا ولار كەيىننەن، وزدەرىنە ىڭعايلى كەز كەلگەن ۋاقىتتا دارىستەرگە قول جەتكىزە الادى.

سوڭعى جاڭالىقتار

الماتىدا تاعى 37 ادام Covid-199 جۇقتىرعان

كوروناۆيرۋس • بۇگىن، 10:20

الاشتىڭ ارداقتىسى ۇلىقتالدى

رۋحانيات • بۇگىن، 10:02

تاپا-تالتۇستەگى توتەنشە جاعداي

ايماقتار • بۇگىن، 08:55

ەرتىستىڭ سۋى ەگىستىككە پايدالى

ايماقتار • بۇگىن، 08:40

ۇقساس جاڭالىقتار