ەكى ءىرى مەگاپوليستە جۇمىسسىز رەجيم ەنگىزىلگەنى بەكەردەن بەكەر ەمەس. بۇل كوروناۆيرۋس ينفەكتسياسىنىڭ تارالۋىن شەكتەۋ ماقساتىندا قولعا الىنىپ وتىر.
كارانتيندى كۇشەيتكەن ۋاقىت ارالىعىندا بەلگىلى ءبىر مەكەمەلەر عانا جۇمىس ىستەيدى. اتاپ ايتقاندا, جارىق, سۋ, كارىز, قوقىس تازالاۋ سىندى قالا تىرشىلىگىن قامتاماسىز ەتەتىن جۇيەلەر, سونىمەن قاتار, كوشە, اۋلا, تۇرعىن ءۇي-جايلارىنىڭ تازالىعىنا جاۋاپتى ماماندار, جەدەلساتى قىزمەتى, جول قوزعالىسىن ۇيىمداستىرۋشىلار, پوشتا, كۋرەرلەر مەن اپاتتىق قىزمەتتەر بار. مۇنىڭ سىرتىندا ءدارىحانا, اۋرۋحانا, ەمحانالار مەن زەرتحانالار, ازىق-ت ۇلىك دۇكەندەرى دە جۇمىسىن جالعاستىرا بەرەدى.
قۇرىلىس - قالانىڭ قالىپتى ءومىرىن قامتاماسىز ەتەتىن سالا ەمەس. سوندىقتان كارانتين رەجيمىنە ولار دا باعىنىپ, جۇمىسىن توقتاتۋعا ءتيىس. نۇرسۇلتان قالاسى قالالىق ورتا ساپاسى جانە باقىلاۋ باسقارماسى وكىلدەرىنىڭ بىزگە بەرگەن مالىمەتى بويىنشا, ەگەر قۇرىلىس اۋماعىندا جاتاقحانالار بولىپ, جۇمىسشىلار سىرتقا شىقپاي جۇمىس ىستەيتىندەي مۇمكىندىك بولسا, وندا جۇمىستى جۇرگىزە بەرۋگە بولادى. بىراق ول ءۇشىن باسشىلىق سانيتارلىق تالاپتاردى قاتاڭ ۇستاپ, دەينفەكتسيا جۇمىستارىن جۇرگىزىپ, ماماندارىن ماسكامەن, انتيسەپتيكپەن, ءبىر رەتتىك قولعاپپەن قامتاماسىز ەتۋى كەرەك. ال وسى تالاپتارعا ساي ەمەس قۇرىلىس كومپانيالارى جۇمىس ىستەمەۋگە ء تيىس, دەيدى ماماندار.
قىمبات توقتامۇرات
