تاليبتەر اۋعانستاننىڭ پاكىستانمەن شەكتەسىپ جاتقان نانگارحار پروۆينتسياسىنداعى امەريكانىڭ اسكەري بازاسىنا شابۋىل جاسادى. بۇل تۋرالى يتار-تاسس حابارلادى.
بيلىك وكىلدەرىنىڭ اقپارىنا قاراعاندا, شابۋىل ناتيجەسىندە نانگاحار پروۆينتسياسىنىڭ اكىمشىلىك ورتالىعى مەن توركحام قالاسىن جالعاپ تۇرعان تاس جول جابىلىپ قالعان. بۇل جول اۋعانستان قاۋىپسىزدىگىنە كومەك كورسەتەتىن حالىقارالىق كۇشتەردىڭ جەكە قۇرامىن شەكارالاس اۋدانعا وتكىزۋدى قامتاماسىز ەتەتىن نەگىزگى جول بولىپ تابىلادى.
وقيعانىڭ باسقا سالدارى جونىندە ازىرگە حابار جوق. بەلگىلىسى, شابۋىل جاساعان «تاليبان» قوزعالىسى.
ايدار ورىسباەۆ.
