شاھاردا الەۋمەتتىك جاردەماقىعا قاتىستى ارنايى كولل-ورتالىق ءۇزىلىسسىز جۇمىس ىستەپ جاتىر. وندا 13 ادام ەكى اۋىسىممەن تۇرعىندار ساۋالىنا جاۋاپ بەرىپ, جاردەماقى مەن ازىق-ت ۇلىك سەبەتىن الۋ جولدارىن تۇسىندىرەدى.
– اتالعان جاردەماقىعا ءوتىنىش بەرگەندەردىڭ باسىم بولىگى شاعىن جانە ورتا بيزنەستە ەڭبەك ەتەتىن جۇمىسشىلار, سونداي-اق, جەكە تاجىريبەمەن اينالىساتىندار. اتاپ ايتقاندا, نوتاريۋس, ادۆوكات پەن مەدياتور سىندى ءوزىن-ءوزى جۇمىسپەن قامتىپ وتىرعاندار. ماسەلەن ولار وتكەن جىلدارعا ەسەپ بەرۋدى ۇمىتىپ كەتسە, سالىق ماماندارى اتالعان جەكە كاسىپكەردىڭ اعىمداعى ەسەپشوتىن بۇعاتتاۋعا قۇقىلى. وسى تۇستا شۇعىل شارالاردى قولعا الدىق. اتاپ ايتقاندا, ءبىزدىڭ دەپارتتامەنتەگى ماماندار ءار تۇلعانىڭ ماسەلەسىن جەكە-جەكە قاراستىرىپ, شەشۋگە كىرىسكەن, – دەيدى قالالىق مەملەكەتتىك كىرىستەر دەپارتامەنتى باسشىسىنىڭ ورىنباسارى ورىنكۇل قازيەۆا.
سونداي-اق بۇگىنگە دەيىن الماتىلىق زەينەتكەرلەر مەن از قامتىلعان كوپ بالالى جانۇيالارعا 5 مىڭنان استام ازىق ت ۇلىك سەبەتتەرى ۇلەستىرىلدى. يگى شارا ءالى دە جالعاسىن تاۋىپ جاتىر.
