«ولارعا بالالارىنىڭ كۇتىمىنە ءبىر جىل تولعانشا مەملەكەت تاراپىنان جاردەماقى تولەنەدى. ءبىر جىل اسقاننان كەيىن سۇرانىپ جۇمىسقا بارار ەدى. بىراق قازىر جۇمىسقا ەشكىم المايدى, شاقىرمايدى. سوندىقتان دەكرەتتە وتىرعان انالار ءبىر جىل وتكەننەن كەيىن بىرىڭعاي جيىنتىق تولەم اۋدارىپ, وسى 42 500 تەڭگەگە ۇمىتتەنۋگە بولادى» دەدى ول.
سونداي-اق ول 42 500 تەڭگە الۋعا ءوتىنىش بىلدىرەتىندەردىڭ بانكتەردە ەسەپشوتى بولماعاندىقتان قيىندىق تۋىنداپ جاتقانىن, سوندىقتان ءوتىنىشتى ەشقانداي ەسەپشوت كورسەتپەي-اق تاپسىرا بەرۋگە بولاتىنىن ايتتى.
ء«بىراز ازاماتتارىمىزدا بانكتەردە ەسەپشوتتارى جوق ەكەن. ەسەپشوت اشۋعا ۇلگەرمەي قالامىز دەپ, بارلىعى بانكتەرگە جۇگىنىپ جاتىر. ءوز كەزەگىندە بانكتەر دە نارازىلىق ءبىلدىرىپ جاتىر. وسىعان قاتىستى ءبىر-ەكى كۇندە مىنانداي وزگەرىس ەنگىزەمىز: ءسىز ءوتىنىشىڭىزدى بەرگەن كەزدە, ەگەر دە سىزدە بانكتە شوتىڭىز بولماعان جاعدايدا, شوتتى كورسەتەتىن جەرگە ەشتەڭە كورسەتپەيسىز. استىندا ەسكەرتۋ تۇرادى. ءبىز ءوتىنىشىڭىزدى قابىلدايمىز. ءبىر ايعا دەيىن ءسىز شوتتى بەرگەنشە كۇتەمىز. شوتىڭىزدى العان سوڭ, ءبىز تاعايىندالىپ تۇرعان اقشانى سول شوتقا اۋدارامىز. سوندىقتان, مۇمكىندىك بولسا, ءوتىنىشىڭىزدى بەرىپ قويىپ, اسىقپاي ەسەپشوتىڭىزدى الۋعا بولاتىن جاعداي قاراستىرىپ جاتىرمىز. ءبىر-ەكى كۇندە پورتالدارعا سونداي شەشىمدى ەنگىزەمىز» دەدى مينيستر.
