حارريستىڭ ايتۋىنشا, دەنە قىزۋى 38 گرادۋستان جوعارى تەمپەراتۋرا جاڭا ۆيرۋستىڭ نەگىزگى بەلگىلەرى بولىپ تابىلادى.
ونىڭ ايتۋىنشا, وسىنداي دەنە قىزۋىمەن ءتۇسىپ جاتقان ناۋقاستاردىڭ 90 پايىزىندا قاۋىپتى دەرتتىڭ ۆيرۋستارى تابىلعان. سونىمەن قاتار, ناۋقاستار مۇنداي جاعدايدا كوبىنەسە ءتۇن ورتاسىندا بار مەن جوقتىڭ اراسىندا بۇلدىرلىقپەن وياناتىنىن جانە اينالادا نە بولىپ جاتقانىن تۇسىنبەيتىندەرىن ايتتى.
بۇرىن ددسۇ دەنساۋلىق ساقتاۋدىڭ توتەنشە جاعدايلار جونىندەگى ديرەكتورى مايكل رايان كوروناۆيرۋستىڭ اۋا ارقىلى جۇعۋ ىقتيمالدىعىن ەسەپتەگەن بولاتىن. ونىڭ ايتۋىنشا, سينگاپۋر عالىمدارى ينفەكتسيالاردىڭ شامامەن 6 پايىزى ۆيرۋستىڭ اسيمپتوماتيكالىق تاسىمالداۋشىلارىنان بولادى دەگەن قورىتىندىعا كەلگەن. رايان ۆيرۋستىڭ اۋا ارقىلى بەرىلۋى مۇمكىن ەكەنىن جوققا شىعارمادى.
سوڭعى مالىمەتتەر بويىنشا, الەمدە 1,1 ميلليوننان استام ادام كوروناۆيرۋستى جۇقتىرعان. ونىڭ ىشىندە 56 مىڭعا جۋىعى قايتىس بولدى, تاعى 223 مىڭ ادام دەرتىنەن ايىعىپ شىققان. سوڭعى مالىمەتتەر بويىنشا, الەمدە 1,1 ميلليوننان استام ادام كوروناۆيرۋستى جۇقتىرعان. ونىڭ ىشىندە 56 مىڭعا جۋىعى قايتىس بولدى, تاعى 223 مىڭ ادام ساۋىقتىرىلدى. اقش, يسپانيا, يتاليا جانە گەرمانيا ەلدەرى ۆيرۋستى جۇقتىرعان ازاماتتارىنىڭ سانى جاعىنان كوش باستاپ تۇر.
