جاۋاپتىلار شاھارداعى الەۋمەتتىك ماڭىزى بار تاۋارلاردىڭ قۇنىن كۇندەلىكتى قاداعالاۋعا الدىق دەپ وتىر. باعانى شامادان تىس شارىقتاتقاندار زاڭ الدىندا جاۋاپ بەرمەك.
«ۇكىمەت توعىز تاۋار ءتۇرىن بەلگىلەگەن. سولاردىڭ باعاسى بەلگىلەنگەن مولشەردەن اسپاۋى كەرەك. قازىر ارنايى جۇمىس توبى قۇرىلدى. ونىڭ قۇرامىنا پروكۋراتۋرا قىزمەتكەرلەرى, اۋداندىق اكىمدىك پەن پوليتسيا قىزمەتكەرلەرى كىرەدى. اتالعان توپ قالاداعى ساۋدا ورىندارىنا بارىپ, باعانىڭ شارىقتاپ كەتپەۋىن باقىلايدى. ەگەر زاڭ بۇزۋشىلىق انىقتالسا, اكىمشىلىك جاۋاپكەرشىلىك قاراستىرىلعان. كىنالى ادام 100 ايلىق ەسەپتىك كورسەتكىش كولەمىندە ايىپپۇل تولەيدى. ماسەلەن ۇننىڭ ءبىرىنشى سورتى, نان, ماكاروننىڭ ءبىر ءتۇرى, كۇرىش, سيىر ەتى, جۇمىرتقانىڭ ءبىرىنشى ساناتى, كۇنباعىس مايى, تۇز جانە قاراقۇمىقتىڭ قۇنى ۇكىمەت قويعان باعادان اسپاۋى قاجەت», دەيدى الماتى قالاسى كاسىپكەرلىك جانە ينۆەستيتسيالار باسقارماسىنىڭ ءبولىم باسشىسى دامير تازابەك.
