كەيبىر ەسەپ بويىنشا بۇگىنگى تاڭدا بۇكىل جەر عالامشارى حالقىنىڭ ۇشتەن ءبىرى نەمەسە 2,6 ملرد ادام كارانتيندە جاتىر.
ء«بىز ادامداردىڭ ۇيدە وقشاۋلانۋى كوروناۆيرۋستى جەڭۋ ءۇشىن قاجەت ەكەنىن بىلەمىز. بىراق مۇنىڭ تەرىس ىقپالىنان ايەلدەر سەرىگىنىڭ قاتىگەزدىگىنە دۋشار بولادى. سوڭعى اپتادا ەكونوميكالىق جانە الەۋمەتتىك قىسىم مەن قورقىنىشتىڭ كۇشەيۋىنە بايلانىستى ءبىز وتباسىنداعى زورلىق-زومبىلىقتىڭ جاھان بويىنشا بۇرق ەتكەنىن بايقاپ وتىرمىز. كەيبىر ەلدەردە قولداۋ كورسەتۋ قىزمەتتەرىنە جۇگىنگەن ايەلدەر سانى ەكى ەسە ارتتى. بۇل رەتتە قۇقىق قورعاۋ ورگاندارى مەن مەديتسينالىق مەكەمەلەردىڭ قىزمەتكەرلەرى جۇمىسقا ارتىعىمەن جۇمىلدىرىلعاندىقتان, كەيدە قاجەتتى شارالار قابىلداي المايدى», دەدى انتونيۋ گۋتەرريش.
وسىلاي دەي كەلە بۇۇ باس حاتشىسى بارلىق ۇكىمەتتەن ايەلدەرگە قاتىستى زورلىق-زومبىلىقتىڭ الدىن الۋ جانە وسىنداي الىمجەتتىكتىڭ ناتيجەسىندە كەلتىرىلگەن زالالدى وتەۋ تۋرالى ەرەجەنى نەگىزگى بولىكتەرىنىڭ ءبىرى رەتىندە كوروناۆيرۋسپەن كۇرەسۋدىڭ ۇلتتىق جوسپارلارىنا ەنگىزۋگە شاقىردى.
انتونيۋ گۋتەرريش شەتىن ماسەلەنى شەشۋ ءۇشىن قاجەتتى شارالار رەتىندە كوممەرتسيالىق ەمەس ۇيىمدار مەن ونلاين-رەجيمدە جۇمىس ىستەيتىن قولداۋ قىزمەتتەرى ءۇشىن قارجى ءبولۋدى ۇلعايتۋدى, الىمجەتتىك كورسەتكەن ادامداردىڭ جازادان جالتارماۋىن قاداعالاۋدى, ءدارىحانالار مەن ازىق-ت ۇلىك دۇكەندەرىندە قاۋىپ تۋرالى اۆاريالىق حابارلاۋ جۇيەسىن ورناتۋدى, سونداي-اق باسپانالاردى تىرشىلىكتى قامتاماسىز ەتۋ نىساندارىنا تەڭەستىرۋدى ۇسىندى.
