اتالعان مەرەكەلەردىڭ رۋحاني تۇرعىدان ماڭىزدى ەكەنى ايقىن. ءبىز ازاماتتارىمىزدىڭ ءدىني جانە رۋحاني قۇندىلىقتارىنا, قالىپتاسقان سالت-داستۇرلەرىنە ۇلكەن قۇرمەتپەن قارايمىز جانە دە بۇل مەيرامداردىڭ كوپشىلىك ازاماتتاردىڭ ومىرىندەگى ماڭىزدىلىعىن تۇسىنەمىز.
الايدا, بۇگىنگى كۇنى الەمنىڭ كوپتەگەن ەلدەرىن جايلاعان قاتەرلى ۆيرۋستىق ىندەت پاندەمياسى بارشانىڭ دەنساۋلىعى مەن ومىرىنە ۇلكەن قاۋىپ توندىرۋدە. باسىم مەملەكەتتەردە ەپيدەمياعا قارسى اۋقىمدى ءىس-شارالار قابىلدانىپ, قاتاڭ كارانتينمەن ازاماتتاردى وقشاۋلاۋ شارالارى جۇزەگە اسىرىلۋدا. سونىمەن بىرگە بارشا ۇجىمدىق جانە ءدىني ءىس-شارالار دا شەكتەلۋدە.
ۆيرۋستىق ينفەكتسياعا قارسى كۇرەس جانە ونىڭ تارالۋىنا جول بەرمەۋ ماقساتىندا ءبىزدىڭ ەلدە توتەنشە جاعداي رەجيمى ەنگىزىلىپ, كوپتەگەن قالالاردا كارانتين ورناتىلدى. بۇل ءبىرىنشى كەزەكتە ءبىزدىڭ ازاماتتاردىڭ ءومىرى مەن دەنساۋلىعىن ساقتاۋ, اۋرۋدىڭ الدىن الۋ تالابىنان تۋىنداپ وتىر.
الداعى مەيرامدار بارىسىندا ءدىني جانە رۋحاني تۇرعىدا عيباداتحانالاردا مەرەكەلىك اس بەرۋ, كرەستىك شەرۋلەر, باسقا دا ءدىني راسىمدەردى وتكىزۋ, ەسكە الۋ مەن جەرلەۋ ورىندارىنا بارۋ قاراستىرىلعان. سونىمەن بىرگە, بۇل ءدىني مەرەكەلەر بارىسىندا ء داستۇرلى تۇردە كوپشىلىككە ارنالعان مادەني شارالار ۇيىمداستىرىلاتىن.
الايدا, قالىپتاسقان احۋالدا ءبىرىنشى كەزەكتە ادامداردىڭ ءومىرى مەن قاۋىپسىزدىگى, دەنساۋلىعىن ساقتاۋ ماڭىزدى بولىپ تابىلادى. وسىعان بايلانىستى ءدىني جانە ەتنومادەني بىرلەستىك باسشىلارىن, بارشا ازاماتتاردى مەرەكەلىك مەرزىمدە قاتاڭ كارانتين رەجىمىن ساقتاۋىن سۇرايمىز.
ءدىني ۇيىمداردىڭ مەرەكەلىك راسىمدەردى زاماناۋي كوممۋنيكاتسيا جۇيەلەرىن پايدالانا وتىرىپ, ونلاين رەجىمدە وتكىزۋ مۇمكىندىگىن قاراستىرعانى ءجون.
الداعى كەلە جاتقان مەرەكەلەرمەن قۇتتىقتاي وتىرىپ, بارشا ازاماتتارعا دەنساۋلىق پەن بەرەكە, بىرلىك تىلەيمىز. اماندىقتا جۇزدەسەيىك! ءبىز بىرگەمىز!
اقپارات جانە قوعامدىق دامۋ مينيسترلىگى
