كەشەگى كەڭەستىك داۋىردە اۋعانستان جەرىندە وداق اسكەرلەرىنىڭ ون جىلدان استام بولۋى تالاي بوزداقتىڭ ءومىرىن جالماپ, تالايىنىڭ تاعدىرلارىن تاس-تالقان ەتكەنى بەلگىلى. وتان الدىنداعى بورىشىن ابىرويمەن اتقارعان ساردارلار مەن ساربازدار ەرلىگى قاشاندا ەل ەسىندە. ولارعا كورسەتىلەر قۇرمەت تە ەرەكشە. سونىڭ ءبىرى – ەلوردادا ەلىمىز كونستيتۋتسياسى كۇنى مەرەكەسىنە وراي اۋعان سوعىسى ارداگەرلەرىمەن وتكەن كەزدەسۋ بولدى.
كەشەگى كەڭەستىك داۋىردە اۋعانستان جەرىندە وداق اسكەرلەرىنىڭ ون جىلدان استام بولۋى تالاي بوزداقتىڭ ءومىرىن جالماپ, تالايىنىڭ تاعدىرلارىن تاس-تالقان ەتكەنى بەلگىلى. وتان الدىنداعى بورىشىن ابىرويمەن اتقارعان ساردارلار مەن ساربازدار ەرلىگى قاشاندا ەل ەسىندە. ولارعا كورسەتىلەر قۇرمەت تە ەرەكشە. سونىڭ ءبىرى – ەلوردادا ەلىمىز كونستيتۋتسياسى كۇنى مەرەكەسىنە وراي اۋعان سوعىسى ارداگەرلەرىمەن وتكەن كەزدەسۋ بولدى.
اۋعان سوعىسى ارداگەرلەرى قوعامدىق بىرلەستىگى ۇيىمداستىرعان يگى شارادا اتالعان بىرلەستىكتىڭ توراعاسى, حالىق قاھارمانى, گەنەرال-لەيتەنانت باقىتجان ەرتاەۆ ارداگەرلەردى مەرەيلى مەرەكە – اتا زاڭ كۇنىمەن قۇتتىقتاپ, ولارعا جاس بۋىندى پاتريوتتىق تۇرعىدا تاربيەلەۋدە ەڭبەك ەتە بەرۋلەرىنە تىلەكتەستىگىن ءبىلدىردى.
«ەرتەڭگى ەل بولاشاعى جاستار ەكەنى ايقىن. ولاردى وتانسۇيگىش ەتىپ تاربيەلەۋدە اۋعان سوعىسى ارداگەرلەرىنىڭ اتقارار مىندەتى زور. كەيىنگى جاستار ۇلگىنى وسى ءسىزدەردەن الادى», دەدى پارلامەنت ءماجىلىسىنىڭ دەپۋتاتى باقىتجان ەرتاەۆ. سونداي-اق ول اۋعان سوعىسىنىڭ تاريحى ءالى تولىق جازىلىپ بىتپەگەنىن جانە وسى رەتتە پاتريوتتىق كينولاردىڭ جوققا ءتان ەكەنىن نازاردان تىس قالدىرمادى. اۋعان سوعىسى ارداگەرلەرى ءمارتەبەسىنىڭ كەرەكتىگىن قاپەرگە سالعان حالىق قاھارمانى ءوز كەزەگىندە تمد-نىڭ كەيبىر ەلدەرىندە ارداگەرلەرگە بەرىلگەن جەڭىلدىكتەر بۇرىنعى قالپىندا ساقتالىپ قالعانىن جەتكىزدى.
باسقوسۋ سوڭىندا ارداگەرلەرگە «قازاتومپروم» كومپانياسىنىڭ دەمەۋشىلىگىمەن اقشالاي سىيلىقتار تابىس ەتىلدى.
ءابدىراحمان قىدىربەك,
«ەگەمەن قازاقستان».
