بيىلعى 3 ءساۋىر ساعات 18.00-دەگى جاعداي بويىنشا تابىسىنان ايىرىلۋىنا بايلانىستى الەۋمەتتىك تولەم تاعايىنداۋعا جالپى سانى 210 834 ادام جۇگىندى, ونىڭ ىشىندە 177 664 ادام eGov.kz, ال 33 170 ادام 42500 enbek.kz سايتى ارقىلى ءوتىنىش بەردى. وتىنىشتەردى قاراۋ جانە الەۋمەتتىك تولەمدەردى تاعايىنداۋ مەرزىمى – 3 جۇمىس كۇنى.
الەۋمەتتىك تولەمدەر بارلىعى 67 328 ادامعا, ونىڭ ىشىندە پرواكتيۆتى فورماتتا, ياعني ازاماتتاردىڭ وتىنىشتەرىنسىز (بىرىڭعاي تولەمدى تولەۋشىلەر ءۇشىن) تاعايىندالدى.
ەستەرىڭىزگە سالا كەتەيىك, توتەنشە جاعدايلار كەزىندە تابىسىنان ايىرىلۋ جاعدايىنا بايلانىستى ماسق-تان الەۋمەتتىك تولەم مولشەرى ءبىر ادامعا ايىنا 42,5 مىڭ تەڭگەنى (ەڭ تومەنگى جالاقى) قۇرايدى, ول كەلەسى ساناتتاعى ازاماتتارعا تاعايىندالادى:
- ورتا, شاعىن جانە ميكروبيزنەس سۋبەكتىلەرىنىڭ قىزمەتكەرلەرى;
- جەكە كاسىپكەرلەر (بۇدان ءارى – جك);
- جەكە پراكتيكامەن اينالىساتىن ادامدار (نوتاريۋس, جەكە سوت ورىنداۋشىسى, ادۆوكات, كاسىبي مەدياتور) (بۇدان ءارى – جپ);
- بىرىڭعاي جيىنتىق تولەمدى تولەۋشىلەر;
- نىساناسى جۇمىستاردى ورىنداۋ (قىزمەتتەر كورسەتۋ) بولىپ تابىلاتىن ازاماتتىق-قۇقىقتىق سيپاتتاعى شارتتار (بۇدان ءارى – اقس) بويىنشا تابىس تاباتىن, سالىق اگەنتتەرى ولار ءۇشىن مىندەتتى زەينەتاقى جارنالارىن اۋدارعان ادامدار;
- كارانتين ەنگىزىلگەن ەلدى مەكەندەردەگى ءىرى بيزنەس سۋبەكتىلەرىنىڭ قىزمەتكەرلەرى.
