تاجىكستان رەسپۋبليكاسىنىڭ ۇلتتىق كىتاپحاناسىندا يادرولىق سىناقتارعا قارسى حالىقارالىق ءىس-قيمىل كۇنى مەن قازاقستان رەسپۋبليكاسىنىڭ كونستيتۋتسياسى كۇنىنە ارنالعان «قازىرگى الەمدەگى قازاقستان» اتتى فوتوكورمە اشىلدى, دەپ حابارلادى قر ءسىم-ءىنىڭ ءباسپاسوز قىزمەتى.
تاجىكستان رەسپۋبليكاسىنىڭ ۇلتتىق كىتاپحاناسىندا يادرولىق سىناقتارعا قارسى حالىقارالىق ءىس-قيمىل كۇنى مەن قازاقستان رەسپۋبليكاسىنىڭ كونستيتۋتسياسى كۇنىنە ارنالعان «قازىرگى الەمدەگى قازاقستان» اتتى فوتوكورمە اشىلدى, دەپ حابارلادى قر ءسىم-ءىنىڭ ءباسپاسوز قىزمەتى.
فوتوكورمەنىڭ اشىلۋ سالتاناتىنا قازاقستاننىڭ ەلشىسى اعىباي سماعۇلوۆ, پارلامەنت دەپۋتاتتارى, قوعامدىق, ساياسي, مادەني قايراتكەرلەر جانە تاجىكستاننىڭ تانىمال عالىمدارى, «بايتەرەك» ۇلتتىق مادەني ورتالىعى مەن «تاجىكستان-قازاقستان» دوستىق قوعامىنىڭ بەلسەندىلەرى, دۋشانبەدەگى ديپلوماتيالىق كورپۋس وكىلدەرى قاتىستى. ءىس-شاراعا قاتىسۋشىلارعا ەلىمىز تۋرالى, سونىمەن قوسا, قازاقستان رەسپۋبليكاسىنىڭ يادرولىق قارۋعا قارسى باستامالارى ايتىلعان كىتاپتار, فوتوالبومدار, بۋكلەتتەر مەن بەينەتاسپالار تاراتىلدى.
تاجىكستاننىڭ ۇلتتىق كىتاپحاناسىنا قازىرگى قازاقستاننىڭ تاۋەلسىزدىك جىلدارىنداعى ساياسي, ەكونوميكالىق جانە الەۋمەتتىك جەتىستىكتەرى اسەرلى تۇردە باياندالعان 100-دەن استام كىتاپ تابىس ەتىلدى.
