الەم • 05 ءساۋىر، 2020

عالىم شۆەتسيادا كارانتين ەنگىزىلمەۋ سەبەبىن ءتۇسىندىردى

1077 رەتكورسەتىلدى

الەمدە پاندەميادان قورعانۋ ءۇشىن كارانتين ەنگىزبەگەن مەملەكەتتەر ساناۋلى عانا. سولاردىڭ ءبىرى –شۆەتسيا. الەم وقشاۋلانىپ جاتقان كەزدە ول ەلدىڭ مامىراجاي قالىپتا، كوشەدە قىدىرىپ جۇرگەنى تالاي مەملەكەتتىڭ تاڭدانىسىن تۋدىرعان بولاتىن. بىراق شۆەتسيانىڭ بۇل شەشىمىنە شەت مەملەكەتتەر ەمەس، تۇرعىلىقتى    ادامداردىڭ  ءبارى  بىردەي تۇسىنىستىكپەن قاراماعانىن ەندى ءبىلىپ وتىرمىز.

«اقپان ايىنىڭ سوڭىنان باستاپ شۆەتسيادا كوروناۆيرۋستىق اۋرۋدىڭ 4500 دەرلىك جاعدايى تىركەلدى، بىراق ستوكگولمنىڭ كوروناۆيرۋسپەن كۇرەستە جۇمساق ءتاسىلدى تاڭداعانى ماعان تۇسىنىكسىز» دەيدى كارلستاد ۋنيۆەرسيتەتىنىڭ قوعامدىق قاۋىپتى زەرتتەۋلەر ورتالىعىنىڭ ديرەكتورى پروفەسسور فينن نيلسون. 

بۇل اقپاراتتى ريا نوۆوستي تاراتتى.

فينن نيلسون شۆەتسيادا كوروناۆيرۋستىڭ تارالۋىن باقىلاۋعا باعىتتالعان ارەكەتتەرى ەۋروپا ەلدەرىنە ۇقسامايتىنىن، بالاباقشالار، مەكتەپتەر، مەيرامحانالار مەن سپورتزالدار ءالى كۇنگە دەيىن جۇمىس ىستەپ جاتقانىن ايتىپ ءوتىپتى. ۇكىمەتتىڭ بارلىق باسقا  نۇسقامالارى تەك كەڭەس بەرۋ سيپاتىندا عانا. ونلاين جۇيەسىنە اۋىسۋ، SARS بەلگىلەرى بار ۇيدە بولۋ جانە قارت تۋىستارىمەن ارالاسپاۋ جاعىن تۇرعىنداردىڭ وزدەرى شەشەدى.

«كورشىلەس ەلدەرمەن سالىستىرعاندا، شۆەد شارالارى شىنىمەن دە ەرەكشە. بيلىكتىڭ كوزقاراسى ءبىر-بىرىمىزگە دەگەن جوعارى سەنىمگە نەگىزدەلگەنىن تۇسىنەمىز. بۇل شەشىمگە قۇرمەتپەن قارايمىز. ءبىز قازىر ەپيدەميانىڭ العاشقى ساتىسىندا تۇرمىز جانە ءادىستىڭ تيىمدىلىگى تۋرالى ايتۋعا ءالى ەرتە» دەپ ءتۇسىندىردى نيلسون.

دانيا مەن نورۆەگيا ەكى اپتا بۇرىن شەكارالار مەن قوعامدىق ورىنداردىڭ جابىلاتىندىعى تۋرالى جاريالاعاننان كەيىن، شۆەدتەر وسىنداي ارەكەتتەردى ءوز بيلىكتەرىنەن كۇتكەن. العاشقى كۇندەرى ادامدار دۇكەندەردەگى ەڭ واجەت تاۋارلاردى ارتىعىمەن ساتىپ الۋعا تىرىستى، دارەتحانا قاعازى، كىر جۋاتىن ۇنتاقتارعا دەگەن سۇرانىس ەسەلەپ ءوسىپ كەتتى. بىراق كارانتين ەنگىزىلمەگەندىكتەن قالادا ءومىر بىرتىندەپ قالپىنا كەلدى.

ساراپشى ۇكىمەتتىڭ قازىرگى ۇستانىمى ناتيجە بەرمەسە، جاقىن ارادا قاتاڭ شارالار قولدانۋعا ءماجبۇر بولاتىندىعىن جوققا شىعارمايدى.

«COVID-19   جۇقپالى دەرت. عالىمدار اۋرۋ جۇقتىرعان ادامنىڭ 1 تاۋلىك ىشىندە ونداعان، جۇزدەگەن ادامعا زالالى تيەتىنىن ايتىپ جاتىر. قازىرگى ۋاقىتتا ءادىستىڭ تيىمدىلىگىن باعالاۋ مۇمكىن ەمەس، بىراق ءولىم دەڭگەيى (سالىستىرمالى تۇردە) سكانديناۆيا ەلدەرىمەن سالىستىرعاندا ءوسىپ كەلەدى. بۇل فاكتور مەنى قاتتى الاڭداتا باستادى.  مەن شۆەتسيا  ۇكىمەتتىڭ شەشىمى حالىققا قارسى باعىتتالىپ وتىر دەپ ايتا المايمىن. شىندىعىندا دا، جۇمساق بۇل ەڭ گۋماندى، جۇمساق  ستراتەگيا. ادامدار جاراتىلىستىڭ ەڭ سانالى سۋبەكتىسى. سوندىقتان ونى ماجبۇرلەپ ۇيگە تىعۋ ءبىر جاعىنان كۇلكىلى. ۇكىمەتتىڭ شەشىمى ماسەلەگە وسى جاعىنان قاراعاندا دۇرىس. سەبەبى جۇمىسقا شىقپاي ۇيدە وتىرعانى ءۇشىن ەشكىم جازالانىپ جاتقان جوق. سوندىقتان شۆەتسيانىڭ ابىرويى جانە ادامداردىڭ ءومىرىنىڭ قاۋىپسىزدىگى   ازاماتتارىنىڭ قولىندا. اركىم ساقتىق شارالارىن ساقتاۋدى وزىنەن باستاسا، ماسەلە شەشىمىن تابادى» دەيدى  نيلسون.
دۇنيەجۇزىلىك دەنساۋلىق ساقتاۋ ۇيىمى 11 ناۋرىزدا پاندەميامەن جاڭا COVID-19 كوروناۆيرۋس ينفەكتسياسى باستالعانىن حابارلادى.

ددۇ-نىڭ سوڭعى مالىمەتتەرى بويىنشا، الەمدە 900 مىڭنان استام ينفەكتسيا وقيعاسى تىركەلدى، 45 مىڭنان استام ادام قايتىس بولدى.

سوڭعى جاڭالىقتار

پاۆلوداردا ەكوبازار اشىلدى

ايماقتار • بۇگىن، 17:09

ۇقساس جاڭالىقتار