قازاقستان • 05 ءساۋىر، 2020

الماتى: 14 جۇرگىزۋشىنىڭ كولىگى ايىپ تۇراعىنا قويىلدى

262 رەتكورسەتىلدى

الماتى قالالىق پوليتسيا دەپارتامەنتىنىڭ ءباسپاسوز قىزمەتى حابارلاعانداي، وتكەن تاۋلىكتە قالالىق سوت 19 اكىمشىلىك ءىستى قارادى. اۋداندىق پوليتسيا بولىمشەلەرىنە قالادا سەبەپسىز جۇرگەن 21 جۇرگىزۋشى جەتكىزىلگەن. ءبىر تاۋلىكتە 6540 اۆتوكولىك تەكسەرىلىپ، 14 كولىك ايىپ تۇراعىنا قويىلعان.

«بۇل ىستەر بويىنشا 12 ادام قاماۋعا الىنىپ، 7 ايىپپۇل سالىندى. 476-بابتىڭ 6-تارماعى بويىنشا كوشەدە سەبەپسىز جۇرگەن 11 تۇلعا اكىمشىلىك جازاعا تارتىلدى. ولاردىڭ 8-ءى قاماۋعا الىنىپ، 3 ادامعا ايىپپۇل سالىندى. كارانتين باستالعالى بەرى الماتىدا 292 ادام اكىمشىلىك جاۋاپكەرشىلىككە تارتىلعان. ونىڭ 147-ءسى قاماۋعا الىنسا، 139 ادامعا ايىپپۇل سالىندى. سونداي-اق 6 ازامات ەسكەرتۋ الدى. قازىر قالا كوشەلەرىندە 3 مىڭ اسكەري قىزمەتشى مەن پوليتسەيلەر 997 مارشرۋت بويىنشا تەكسەرۋ جۇرگىزەدى. كۇندىزگى 11.00 مەن 12.00 ارالىعىندا باقىلاۋ كامەرالارى قالانىڭ ماگيسترالدى كوشەلەرى شىعىس اينالما جولى، رايىمبەك-ساين، سەيفۋللين-جانسۇگىروۆ، تولەبي-روزىباكيەۆ ارقىلى 3764 كولىك وتكەنىن ءتۇسىرىپ العان»، - دەدى پد ءباسپاسوز قىزمەتى.

الماتىدا كارانتيندىك شارالاردى قامتۋعا بارلىعى 5500 ادام جۇمىلدىرىلعان.  26 بلوكپوستتا 208 پوليتسيا قىزمەتكەرى جۇمىس ىستەپ جاتىر.

 

سوڭعى جاڭالىقتار

پاۆلوداردا ەكوبازار اشىلدى

ايماقتار • بۇگىن، 17:09

ۇقساس جاڭالىقتار