ايماقتار • 05 ءساۋىر، 2020

تۇركىستان: بەس جاسار بالدىرعان ۆيرۋستى اناسىنان جۇقتىرعان 

98 رەتكورسەتىلدى

تۇركىستان وبلىسىندا سوڭعى اقپاراتقا سايكەس، كوروناۆيرۋس ىندەتىن جۇقتىرعان تاعى 2 ادام تىركەلدى. جالپى سانى وڭىردە 25 ادامدا كوروناۆيرۋس ىندەتى راستالدى.

سوڭعى تىركەلگەن ەكەۋدىڭ ءبىرى بەس جاسار، ياعني 2015 جىلعى بالدىرعان ارىس قالاسى، ناۋرىز اۋىلىنىڭ تۇرعىنى، ۆيرۋستى اناسىنان جۇقتىرعان. اناسى نۇر-سۇلتان-شىمكەنت باعىتىندا پويىزبەن كەلگەن ايەلمەن جاقىن بايلانىستا بولعان. سونداي-اق 1984 جىلعى جەتىساي قالاسىنىڭ تۇرعىنىنان ۆيرۋس سكرينينگ جاساۋ بارىسىندا انىقتالعان.

ناۋقاستاردىڭ جاعدايى قاناعاتتانارلىق. ۆيرۋس جۇقتىرعاندار قازىرگى ۋاقىتتا وقشاۋلانىپ، ەم قابىلداۋدا. اتالعان ازاماتتارمەن بايلانىستا بولعانداردى انىقتاپ، وقشاۋلاۋ جۇمىستارى جۇرگىزىلۋدە.

جالپى وڭىردە جەتىساي  اۋدانىندا – 13،  كەنتاۋ قالاسىندا – 2، ارىس قالاسى – 2، ورداباسى اۋدانىندا –1، سارىاعاش – 1، ماقتاارال – 4، سايرام اۋدانىندا – 2 ادامنان ۆيرۋس انىقتالىپ وتىر.

 

تۇركىستان وبلىسى

سوڭعى جاڭالىقتار

پاۆلوداردا ەكوبازار اشىلدى

ايماقتار • بۇگىن، 17:09

ۇقساس جاڭالىقتار