قوعام • 05 ءساۋىر، 2020

الماتى: تەگىن ءدارى-دارمەك الاتىن تۇرعىنداردىڭ ۇيىنە پرەپاراتتار اقىسىز جەتكىزىلەدى

36 رەتكورسەتىلدى

ەلىمىزدە كوروناۆيرۋس ينفەكتسياسىنىڭ بۇدان ءارى تارالماۋى ءۇشىن جان-جاقتى كەشەندى شارالار قولعا الىنۋدا. مۇنىڭ ەڭ وڭتايلى جولى كوشەدە جانە قوعامدىق ورىنداردا ادامداردىڭ بەي-بەرەكەت جۇرۋىنە شەكتەۋ قويۋ. بۇدان بىلاي الماتىلىق دارىگەرلەر ەمدەلۋشىلەردى قاشىقتان قابىلدايدى.

«ەمحانالارداعى شۇعىل قابىلداۋ بولىمدەرى جۇمىسىن جالعاستىرا بەرەدى. دەگەنمەن، قابىلداۋلار مەن كەڭەس بەرۋلەردىڭ باسىم كوپشىلىگى قاشىقتان وتكىزىلەدى» دەپ مالىمدەدى مەملەكەتتىك كوميسسيانىڭ شۇعىل شتابى.  

ەكپە ەگۋ جۇمىستارى ايرىقشا بۇيرىق بەرىلگەنگە دەيىن كەيىنگە شەگەرىلەدى، قاتتى شۇعىل جاعداي بولماسا اۋرۋحاناعا جوسپارلى تۇردە جاتۋعا دا شەكتەۋ قويىلىپ وتىر. ءدارى-دارمەكتى تەگىن الىپ جۇرگەن ناۋقاستارعا دارىلىك پرەپاراتتار ۇيلەرىنە تەگىن جەتكىزىلىپ بەرىلمەك. دارىگەرلەر قارت ادامداردىڭ ۇيلەرىنە بارىپ، تەكسەرىپ تۇرادى. بۇدان وزگە، قارت كىسىلەرگە پسيحولوگ ماماندار دا ءجيى بارىپ، كارانتين كەزىندەگى قاۋىپسىزدىك شارالارى تۋرالى حاباردار ەتەدى. 

 

الماتى

سوڭعى جاڭالىقتار

پاۆلوداردا ەكوبازار اشىلدى

ايماقتار • بۇگىن، 17:09

ۇقساس جاڭالىقتار