كەشە اقوردادا مەملەكەتتىك حاتشى مارات ءتاجين ديپلوماتيالىق ميسسياسىن اياقتاپ جاتقان ارمەنيانىڭ قازاقستانداعى توتەنشە جانە وكىلەتتى ەلشىسى ۆاسيلي كازارياندى قابىلدادى.
كەشە اقوردادا مەملەكەتتىك حاتشى مارات ءتاجين ديپلوماتيالىق ميسسياسىن اياقتاپ جاتقان ارمەنيانىڭ قازاقستانداعى توتەنشە جانە وكىلەتتى ەلشىسى ۆاسيلي كازارياندى قابىلدادى.
مەملەكەتتىك حاتشى قابىلداۋ بارىسىندا: «ءسىز تاجىريبەلى ديپلوماتسىز. ەلىمىزدەگى 5 جىلدىق ەلشىلىك قىزمەتىڭىزدە كوپتەگەن يگىلىكتى ىستەر اتقاردىڭىز. ءبىز ارمەنيانىڭ ەكسپو-2017 كورمەسىن وتكىزۋ جونىندەگى استانانىڭ كانديداتۋراسىنا قولداۋ كورسەتكەنىنە رازىمىز», دەي كەلە, وسى 5 جىلدىق قىزمەت اياسىندا ەكى جاقتى قارىم-قاتىناستاردىڭ جان-جاقتى دامىپ, پارلامەنتارالىق بايلانىستار, ساۋدا-ەكونوميكالىق ىنتىماقتاستىق جونىندەگى ۇكىمەتارالىق كوميسسيانىڭ جۇمىسى جاندانعانىن تىلگە تيەك ەتتى. مۇنان سوڭ مەملەكەتتىك حاتشى ارميان ديپلوماتياسىنىڭ باسشىسىنا قازاقستان-ارمەنيا اراسىنداعى سەنىمدى قارىم-قاتىناستاردى نىعايتۋعا قوسقان ۇلەسىنە العىس ءبىلدىردى.
ەلشى ءوز كەزەگىندە: «ۋاقىت تاۋىپ ارنايى قابىلداعانىڭىزعا ريزاشىلىعىمدى قابىل الىڭىز. مەن ءۇشىن قازاقستاندا قىزمەت ەتكەن 5 جىلىم وتە قىمبات. سەبەبى, ءبىز دوستىقتىڭ جىبەك جەلىسى تارتىلعان, ەكى ەلدىڭ باسشىلىعىنىڭ اراسىندا سىيلاستىق ورناعان دوس پەيىلدى ەلدەرمىز», دەدى.
اڭگىمەلەسۋ بارىسىندا تاراپتار حالىقارالىق ىنتىماقتاستىق, سونداي-اق ساۋدا-ەكونوميكالىق, مادەني-گۋمانيتارلىق سالالارداعى بايلانىستاردى دامىتۋدىڭ جاي-كۇيى مەن كەلەشەگىن تالقىلادى.
انار تولەۋحانقىزى,
«ەگەمەن قازاقستان».
