قايرات ءمامي, پارلامەنت سەناتىنىڭ توراعاسى:
اتقارىلار جۇمىستار اۋقىمى قوماقتى
ەلىمىزدىڭ پرەزيدەنتى نۇرسۇلتان نازارباەۆ پارلامەنتتىڭ كەزەكتى سەسسياسىن اشتى.
بەسىنشى شاقىرىلىمداعى پارلامەنتتىڭ 3-سەسسياسى «قازاقستان-2050» ستراتەگياسىندا بەلگىلەنگەن مىندەتتەردى ىسكە اسىرۋدا شەشۋشى مانگە يە. ەكونوميكانىڭ قارىشتاپ وركەندەۋى, جان باسىنا شاققانداعى تابىستىڭ جوعارى دەڭگەيىنە قول جەتۋى, التىن-ۆاليۋتا قورى مەن ۇلتتىق قورداعى قوماقتى قارجى-قاراجاتتىڭ جيناقتالۋى – وسىنىڭ ءبارى ەلىمىزدىڭ دامۋ باعدارىنىڭ دۇرىستىعىن دالەلدەيدى جانە ءبىزدىڭ مەملەكەتىمىزدىڭ الەمنىڭ ەڭ وركەندى ەلدەرىنىڭ قاتارىنا قوسىلۋعا ازىرلىگىن كورسەتەدى.
قايرات ءمامي, پارلامەنت سەناتىنىڭ توراعاسى:
اتقارىلار جۇمىستار اۋقىمى قوماقتى
ەلىمىزدىڭ پرەزيدەنتى نۇرسۇلتان نازارباەۆ پارلامەنتتىڭ كەزەكتى سەسسياسىن اشتى.
بەسىنشى شاقىرىلىمداعى پارلامەنتتىڭ 3-سەسسياسى «قازاقستان-2050» ستراتەگياسىندا بەلگىلەنگەن مىندەتتەردى ىسكە اسىرۋدا شەشۋشى مانگە يە. ەكونوميكانىڭ قارىشتاپ وركەندەۋى, جان باسىنا شاققانداعى تابىستىڭ جوعارى دەڭگەيىنە قول جەتۋى, التىن-ۆاليۋتا قورى مەن ۇلتتىق قورداعى قوماقتى قارجى-قاراجاتتىڭ جيناقتالۋى – وسىنىڭ ءبارى ەلىمىزدىڭ دامۋ باعدارىنىڭ دۇرىستىعىن دالەلدەيدى جانە ءبىزدىڭ مەملەكەتىمىزدىڭ الەمنىڭ ەڭ وركەندى ەلدەرىنىڭ قاتارىنا قوسىلۋعا ازىرلىگىن كورسەتەدى.
ەلىمىزگە قاجەتتى رەفورمالار مەن جاڭعىرتۋلاردى قۇقىقتىق تۇرعىدا قامتاماسىز ەتۋ تۇرعىسىنداعى پارلامەنتتىڭ جۇمىسىنا پرەزيدەنتتىڭ جوعارى باعا بەرگەنى ەرەكشە ماڭىزدى.
جاڭا سەسسيادا زاڭ شىعارۋ جۇمىستارى نەگىزگى بەس باعىتقا شوعىرلاناتىن بولادى. ولار: ەكونوميكالىق ءوركەندەۋدى قۇقىقتىق تۇرعىدا قامتاماسىز ەتۋ, يننوۆاتسيالىق ۇدەرىستەرگە سەرپىن بەرۋ, الەۋمەتتىك ساياسات, قۇقىق قورعاۋ زاڭناماسىن رەفورمالاۋ, سونداي-اق ەلىمىزگە ماڭىزدى حالىقارالىق كەلىسىمدەردى راتيفيكاتسيالاۋ. اتاپ ايتقاندا, كاسىپكەرلىك كودەكسى, قىلمىستىق جانە قىلمىستىق-ءىس ءجۇرگىزۋ كودەكستەرى, اكىمشىلىك قۇقىق بۇزۋشىلىق كودەكسى, تۇرعىن ءۇي, ەڭبەك قاتىناستارىنا, جاستار ساياساتىنا, جەر قويناۋى جانە ونى پايدالانۋعا, دامۋ ينستيتۋتتارى جۇمىستارىن جەتىلدىرۋگە, ەنەرگوتيىمدىلىك پەن ەنەرگيا ۇنەمدەۋگە, ەكسپو-2017 كورمەسىن وتكىزۋگە جانە دە ەلىمىز ومىرىندەگى باسقا دا ماڭىزدى سالالارعا قاتىستى زاڭ جوبالارى قارالاتىن بولادى. ودان باسقا, پرەزيدەنت بسۇ-عا كىرۋدى جانە ەۋرازيالىق ەكونوميكالىق وداقتى ىسكە قوسۋدى كوزدەيتىن راتيفيكاتسيالاۋعا جاتاتىن حالىقارالىق قۇجاتتاردى بەلگىلەدى.
ءسويتىپ, مەملەكەت باسشىسى پارلامەنتتىڭ جاڭا ماۋسىمىنداعى باسىمدىقتاردى ناقتى بەلگىلەپ بەردى. بۇل جەردە دەپۋتاتتار جاقىن كۇندەردە ايماقتارعا ساپاردان ورالعانىن, ولاردىڭ الەۋمەتتىك سالالار نىساندارىندا, وندىرىستەردە, شاعىن جانە ورتا كاسىپورىنداردا بولعانىن, جۇرتشىلىقپەن كەزدەسكەنىن اتاپ وتكىم كەلەدى. زاڭ شىعارۋ ىسىندەگى جاڭا ماۋسىم الدىندا جەرگىلىكتى جەرلەردەگى كەزدەسۋلەر مەن پىكىرلەسۋلەردىڭ ناتيجەلەرى دەپۋتاتتار ءۇشىن ەرەكشە پايدالى ەكەنى داۋسىز.
وسى ءساتتى پايدالانا وتىرىپ, جاقىندا پرەزيدەنتتىڭ جارلىعىمەن تاعايىندالعان جاڭا سەناتور-ارىپتەستەرىمدى قۇتتىقتاعىم كەلەدى. تاياۋدا ولار سەناتتىڭ تۇراقتى كوميتەتتەرىنە سايلانادى. جاڭا دەپۋتاتتاردىڭ مول تاجىريبەسى مەن كاسىبي ءبىلىمى زاڭ شىعارۋ ىسىنە ءتيىمدى ىقپال جاساپ, قازاقستاندىق پارلامەنتاريزمدى دامىتۋعا قىزمەت ەتەرىنە نىق سەنىمدىمىن.
مەملەكەت باسشىسى بەلگىلەپ بەرگەن باسىمدىقتار, تۇتاس العاندا, تاياۋداعى ون ايعا, ياعني سەسسيا اياعىنا دەيىنگى پارلامەنتشىلەردىڭ «جول كارتاسىنا» اينالاتىن بولادى.
قورىتىپ ايتقاندا, جاڭا سەسسيادا پارلامەنت پەن ۇكىمەت ءبىزدىڭ ەلىمىزدىڭ ودان ءارى دامۋى مەن يگىلىگى جولىندا بىرلەسە وتىرىپ, سىندارلى جۇمىستاردى جالعاستىرا بەرەتىنىنە كامىل سەنەمىن.
نۇرلان نىعماتۋلين, پارلامەنت ءماجىلىسىنىڭ توراعاسى:
ءبىز ەلباسى تاپسىرمالارىن ورىنداۋدىڭ بەرىك زاڭنامالىق نەگىزىن قامتاماسىز ەتەمىز
بەسىنشى شاقىرىلعان پارلامەنتتىڭ 3-سەسسياسى باستالدى. وسىعان وراي پالاتالاردىڭ بىرلەسكەن وتىرىسى ءوتىپ, قازاقستان پرەزيدەنتى نۇرسۇلتان نازارباەۆ دەپۋتاتتىق كورپۋستىڭ زاڭ شىعارماشىلىق قىزمەتىنىڭ نەگىزگى باعىتتارىن ايقىنداپ بەردى.
حالىق قالاۋلىلارى ەلباسى تاپسىرماسىن ابىرويمەن اتقارۋعا دايىن. بارلىق كۇش-جىگەر بۇرىنعىداي «قازاقستان-2050 ستراتەگياسىنا» سايكەس, پرە
