ايماقتار • 04 ءساۋىر، 2020

تۇركىستان: اراقاشىقتىقتى ساقتاۋ ءۇشىن ارنايى بەلگىلەر سىزىلدى

48 رەتكورسەتىلدى

تۇركىستان وبلىسى تولەبي اۋدانىندا كوروناۆيرۋس ىندەتىنىڭ تارالۋىن بولدىرماۋ ماقساتىندا حالىق كوپ جينالاتىن «حالىق بانك» اق مەن «قازپوچتا» اق-نىڭ بولىمشەلەرى عيماراتىنىڭ الدىنا كەزەككە تۇراتىن ارنايى ورىندار بەلگىلەنگەن. اق ءتۇستى بوياۋمەن كورسەتىلگەن ورىنداردىڭ اراقاشىقتىعى – 2 مەتر.

بۇل زەينەتاقى، جالاقى، جاردەماقى الۋ ءۇشىن كەلەتىن تۇرعىنداردىڭ ءبىر-بىرىنەن الشاق تۇرىپ، قاۋىپسىزدىكتى ساقتاۋ ماقساتىندا قولعا الىنعان شارا. ودان بولەك، وسىنداي حالىققا قىزمەت كورسەتۋ ورىندارىنا كەلگەن ازاماتتاردى عيمارات ىشىنە كىرەردە تەپلوۆيزورمەن دەنە قىزۋىن تەكسەرىپ، قولدارى ارنايى انتيسەپتيكپەن زالالسىزداندىرىلۋدا. ءاربىر ازاماتتىڭ مەديتسينالىق بەتپەردەمەن ءجۇرۋى قاتاڭ باقىلاۋعا الىنعان. بەتپەردەسى جوق تۇرعىندارعا اكىمشىلىك تاراپىنان بەتپەردە تەگىن تاراتىلۋدا. قازىرگى تاڭدا وسىنداي قاتاڭ رەجيمدەگى ساقتىق شارالارى وبلىستىڭ وزگە اۋدان قالالارىندا جۇزەگە اسىرىلۋدا.

مىسالى، تۇركىستان قالاسىنىڭ اكىمدىگى مەن "Asar" ەرىكتىلەر ۇيىمى بانكتەردىڭ الدى مەن تەرمينالدار ورناتىلعان جەرلەردە اراقاشىقتىقتى ساقتاۋ ءۇشىن بەلگىلەر سىزدى. پوليتسيا قىزمەتكەرلەرى دە پاترۋلدىك كولىكتەرى ارقىلى حابارلاپ،  اراقاشىقتىقتى ساقتاۋعا شاقىرۋدا.

 

تۇركىستان وبلىسى

سوڭعى جاڭالىقتار

عاسىر زۇلماتى

قوعام • كەشە

قۇردىم (تورتتاعان)

ادەبيەت • كەشە

جاڭا فورماتتاعى جىر كەشى

رۋحانيات • كەشە

ۇقساس جاڭالىقتار