ءبىلىم • 04 ءساۋىر، 2020

قازۇۋ-دە «ايماقتانۋ» ماماندىعى بويىنشا رەسپۋبليكالىق وليمپيادا ءوتتى

16 رەتكورسەتىلدى

ءال-فارابي اتىنداعى قازاق ۇلتتىق ۋنيۆەرسيتەتىنىڭ حالىقارالىق قاتىناستار جانە الەمدىك ەكونوميكا كافەدراسىنىڭ ۇيىمداستىرۋمەن «ايماقتانۋ» ماماندىعى بويىنشا رەسپۋبليكالىق وليمپيادا ءوتتى.

وليمپيادا ناتيجەلەرىن بۇۇ-نىڭ عالامدىق كوممۋنيكاتسيالار ءبولىمىنىڭ باسشىسى ۆلاستيميل سامەك باسقارعان كونكۋرستىق كوميسسياسى قاشىقتىقتان قورىتىندىلادى. وليمپيادانىڭ تاقىرىبى بۇگىنگى كۇننىڭ وزەكتى ماسەلەلەرىنىڭ ءبىرى - تۇراقتى دامۋ ماقساتىمەن بايلانىستى، دەلىنگەن ۋنيۆەرسيتەتتىڭ ءباسپاسوز قىزمەتىنىڭ مالىمەتىندە.

قاتىسۋشىلار ەكى تاپسىرما بويىنشا دايىندالدى. ءبىرىنشىسى - كوماندانىڭ بەينە ۆيزيت كارتاسىن دايىنداۋ. وندا ولار قازىرگى كەزدەگى وزەكتى ماسەلەلەردى تالقىلاپ، ونى شەشۋدىڭ جولدارى مەن يدەيالارىن ۇسىندى. ەكىنشى مىندەت – «تۇراقتى دامۋ ماقساتتارى اياسىنداعى قازاقستاننىڭ دامۋىنىڭ ستراتەگيالىق جوسپارى».

ستۋدەنتتەر وزدەرىنىڭ كاسىبي جانە جەكە الەۋەتتەرىن، شىعارماشىلىق قابىلەتتەرىن، وزىندىك ەرەكشەلىكتەرىن، تالداۋ، لوگيكالىق ويلاۋ جانە ءوز كوزقاراسىن دالەلدەي ءبىلدى. وليمپياداعا بەس جوعارى وقۋ ورنىنان 13 كوماندا قاتىسىپ، قازاق، ورىس جانە اعىلشىن تىلدەرى بويىنشا توپتارعا ءبولىندى.

قاشىقتان وتكىزىلگەن «ايماقتانۋ» ماماندىعى بويىنشا وليمپياداسىنىڭ قازاق ءبولىمى كوماندالارى اراسىندا ءبىرىنشى ورىندى ءال-فارابي اتىنداعى قازاق ۇلتتىق ۋنيۆەرسيتەتىنىڭ ستۋدەنتتەرى (ابزال سىدىق، گۇلبارشىن مۇحامەتقالي، قورلان جۇسۇپباەۆا) جەڭىپ الدى. توپ جەتەكشىسى –  ا.ە. راحمەتوۆا.

ەكىنشى ورىن ابىلاي حان اتىنداعى قازحق مەن AlmaU ۋنيۆەرسيتەتىنىڭ ستۋدەنتتەر كوماندالارى قانجىعاسىنا بايلادى (نازەركە ساماتوۆا، مادينا نۇراحانوۆا، ايزادا پەرنەقۇل). ال ءۇشىنشى ورىن ل. گۋميلەۆ اتىنداعى ەۇۋ مەن م.وتەمىسوۆ اتىنداعى بقمۋ ستۋدەنتتەر كومانداسىنا بۇيىردى.

ورىس ءبولىمى اراسىنان  ءال-فارابي اتىنداعى قازاق ۇلتتىق ۋنيۆەرسيتەتىنىڭ ستۋدەنتتەرى كومانداسى ەڭ مىقتى بولىپ اتاندى (داستان جاميكەشەۆ، ايجان ەسەنبەكوۆا، ايدانا وڭالباەۆا). توپ جەتەكشىسى، اعا وقىتۋشى ا.ن.باكيرلانوۆا.

ەكىنشى ورىندى ل. گۋميلەۆ اتىنداعى ەۇۋ مەن ابىلاي حان اتىنداعى قازحق جانە ءاتۋ ستۋدەنتتەر كوماندالارى ءبولىپ الدى.

ال AlmaU ۋنيۆەرسيتەتىنىڭ ستۋدەنتتەر كومانداسى (جانيا پەيسوۆا، ادىلەت پارپيەۆ، ىرىسجان اگيسوۆا) ءۇشىنشى ورىندى يەلەندى. توپ جەتەكشىسى – دوتسەنت ۆ. وسكولكوۆ.

اعىلشىن تىلىندە سايىسقا تۇسكەن كوماندالار اراسىندا ل. گۋميلەۆ اتىنداعى ەۇۋ ستۋدەنتتەر كومانداسى (ديانا قاسىموۆا، ديانا ماراتوۆا، باۋىرجان مۇقاتاي) الدىڭعى شەپتەن كورىندى. توپ جەتەكشىسى – دوتسەنت م. بولىسبەكوۆا.

جاقسى ناتيجە كورسەتە بىلگەن قازۇۋ جانە AlmaU ۋنيۆەرسيتەتىنىڭ ستۋدەنتتەر كوماندالارى ەكىنشى ورىنعا جايعاستى. ءۇشىنشى ورىن ابىلاي حان اتىنداعى قازحق جانە ءاتۋ ستۋدەنتتەر كوماندالارى جەڭىپ الدى.

 

الماتى

سوڭعى جاڭالىقتار

Covid-19: تاعى 3 ادام كوز جۇمدى

كوروناۆيرۋس • كەشە

Covid-19: 184 ادام جازىلىپ شىقتى

كوروناۆيرۋس • كەشە

نۇكتە فيلوسوفياسى

رۋحانيات • كەشە

ۇقساس جاڭالىقتار