“التىن جۇرەكتى” ادامدار قاسىمىزدا ءجۇر

ەرلىك تەك سوعىس كەزىندە جا­سال­ماي­دى. ادام ءومىرىن ساقتاپ قالۋ ءۇشىن سۋعا تۇسكەن, قىزىل وتپەن ار­پا­لىسقاندار ءوزىنىڭ  كوزسىز جاساعان تاۋەكەلىن ەرلىك دەپ ايتپايدى. ال بەيبىت كۇندەگى ادامداردىڭ مۇنداي قادامىنىڭ ارتىندا  بيىك ادام­گەر­شى­لىك, ادامدارعا دەگەن ءسۇ­يىس­پەن­شىلىك, وتانعا دەگەن اسقان پاتري­و­تيزم جاتىر. وتكەن جىلى نا­ۋىر­زىم اۋدانىنداعى رازدولنوە اۋىلىنىڭ جانىنان اعاتىن وزەننىڭ بەتىنە مۇز  قاتقاندا  14 جاسار التىنبەك تۇكەەۆ  بەس جاسار ق­ا­رىن­­داسى ءمادينانى ەرتىپ, سىر­عا­ناق ويناۋعا بارادى. قاراشانىڭ سۋىعىمەن ەندى قاتقان مۇز ءالى قالىڭداماعان ەكەن, بالالاردى كوتەرە الماي ويىلىپ كەتەدى. ال­تىنبەك جاعاعا شىعۋعا قارمانادى, ءما­دينا سۋعا باتا باستايدى. وسى كەزدە جاعادا  جۇرگەن  9 سىنىپتىڭ وقۋ­شىسى ۆلاديسلاۆ ميكالاۋسكاس كەلە مۇزدى سۋعا قويىپ كەتىپ, كىش­كەنتاي قىزدى جاعاعا الىپ شى­عادى. سول كۇننەن باستاپ العىسى شەكسىز اتا-اناسى ۆلادتى ءمادي­نانىڭ ەكىنشى اعاسى دەپ قا­بىل­دادى. “نۇر وتان” پارتياسى قوستاناي وبلىستىق فيليالى ۇيىمداستىرعان “التىن جۇرەك” بايقاۋىنا قاتىس­قان­داردىڭ اراسىندا مۇنداي مى­سال­دار وتە كوپ بولدى. ولار بەتپە-بەت كەلگەن توتەنشە جاعداي­لار دا ءار ءتۇرلى, تەك ادامدى قۇتقارۋ ءۇشىن ەش­كىم دە قاراپ تۇرىپ قالماي, كوز­جۇمباي تاۋەكەلگە ۇمتىلۋى ولار­دىڭ ورتاق ۇقساستىعى ەدى. قى­سىل­تاياڭ شاقتا ادامدارعا قول­ۇشىن بەر­گەن, ءومىر ءۇشىن  ەرلىك ىسكە بار­عان­­دارعا پارتيانىڭ وبلىستىق في­ليالى توراعاسىنىڭ ورىنباسارى يرينا ارونوۆا “التىن جۇرەك” بەل­گىسىن جانە باعالى سىيلىقتار تابىس ەتتى. فيليالعا ءۇش ايدىڭ ىشىندە “التىن جۇرەك” اتاعى ءۇشىن وبلىستىڭ تۇكپىر-تۇكپىرىنەن كوپ­تە­گەن سۇرانىستار كەلىپ ءتۇستى. ولار­دىڭ اراسىندا ادامداردى  قىزىل وتتىڭ ىشىنەن امان الىپ شىق­قان­دار, سۋدان قۇتقارعاندار دا جەت­كى­لىك­تى. سونىمەن قاتار, “التىن ءجۇ­رەك” سىيلىعى اۋليەكول اۋدا­نىن­داعى امانقاراعاي  كەنتىنىڭ تۇر­عىن­دارى يلدۋس جانە ليديا اح­مە­توۆ­تەرگە دە بەرىلدى. ولار 2004 جىلى رۋدنىي قالاسىنداعى بالالار ۇيىنەن جەتى بىردەي بالانى اسىراپ العان بولاتىن. ولار قازىر اتا-انانىڭ جىلى باۋىرىندا جەتىمدىك كورمەي ءوسىپ كەلەدى. ال قوستاناي قالالىق پەرزەنتحاناسىنىڭ باس دارىگەرى تاتيانا بۋلگاتسەۆيچتىڭ ءار كۇنى ەرلىككە تولى دەسە دە بولادى. ول كۇن سايىن انا مەن بالانىڭ ءومىرى ءۇشىن كۇرەسەدى, ولاردى اجال تىرناعىنان امان الىپ قالادى. كىندىك شەشە– ناعىز التىن جۇرەكتى ادام. “التىن جۇرەك” بايقاۋى قو­رى­تىن­دىسىندا وبلىس ونەرپازدارى ەرلىك, ادامگەرشىلىك, پاتريوتيزم تۋرا­لى اندەر شىرقادى, بي بي­لەندى. ەلەۋسىز عانا ءجۇرىپ ەرلىك جاسا­عاندار وسىلاي ماراپاتتالدى, ولار ارقىلى ەرلىك پەن دوستىققا تاعزىم جاسالدى. ءنازيرا جارىمبەتوۆا, قوستاناي.