الەم • 04 ءساۋىر، 2020

وپەك مۇشەلەرى 6 ساۋىردە مۇناي ءوندىرۋدى ازايتۋ ماسەلەسىن تالقىلايدى

33 رەتكورسەتىلدى

ازەربايجاننىڭ ەنەرگەتيكا ءمينيسترى 6 ساۋىردە وپەك ەلدەرى مەن ۇيىمعا كىرمەيتىن، بىراق شيكىزات تۋرالى كوپجاقتى كەلىسسوزدەرىنە قاتىسىپ جۇرگەن مۇناي ءوندىرۋشى (وپەك+) ەلدەردىڭ تەلەكونفەرەنتسياسى وتەتىنىن مالىمدەدى. Reuters-ءتىڭ جازۋىنشا، تەلەكونفەرەنتسيا تۋرالى اقپارات تاراسا دا، جيىن تۋرالى قوسىمشا دەرەك از.

سوڭعى اپتادا حالىقارالىق نارىقتا مۇناي باعاسى سۇرانىستىڭ ازايۋىنا بايلانىستى ءبىر باررەلىنىڭ قۇنى 65 دوللاردان 20 دوللارعا دەيىن ارزاندادى. الەمدە كوروناۆيرۋس پاندەمياسى تارادى. ءۇش ميللياردتان استام ادام كارانتيندىك جاعدايدا ءومىر ءسۇرىپ جاتىر.

اقش پرەزيدەنتى دونالد ترامپ بەيسەنبى كۇنى رەسەي باسشىسى ۆلاديمير پۋتين مەن ساۋد ارابياسىنىڭ تاق مۇراگەرى مۇحاممەد بين سالمانمەن تەلەفونمەن اڭگىمەلەسكەنىن مالىمدەگەن. Reuters-ءتىڭ جازۋىنشا، ماسكەۋ مەن ەر-رياد مۇناي ءوندىرۋدى تاۋلىگىنە 10-15 ملن باررەلگە دەيىن ازايتۋعا كەلىسكەن.

دەگەنمەن حالىقارالىق ەنەرگەتيكا اگەنتتىگى مۇناي ءوندىرىسىن تاۋلىگىنە 10 ميلليون باررەلگە دەيىن ازايتۋ مۇنايعا سۇرانىس كۇرت ازايعان شاقتا ماسەلەنى شەشە المايدى دەپ سانايدى.

اگەنتتىك جەتەكشىسى فاتيح بيروپتىڭ پىكىرىنشە، شيكىزات ءوندىرۋدى ازايتۋدىڭ سالدارىنان ەكىنشى توقساندا الەمدە مۇناي قورى ارتىپ، كۇنىنە 15 ملن باررەل وندىرۋگە تۋرا كەلەدى.

ناۋرىز ايىنىڭ باسىندا ماسكەۋ مەن ەر-رياد شيكىزات ءوندىرىسىن ازايتۋ تۋرالى كەلىسە الماعاننان كەيىن حالىقارالىق نارىقتا مۇناي باعاسى كۇرت ارزانداعان ەدى.

 

سوڭعى جاڭالىقتار

ۇقساس جاڭالىقتار