رەسەيدىڭ ەنەرگەتيكا ءمينيسترى الەكساندر نوۆاك قازىرگى ۋاقىتتا سۇرانىستىڭ تومەندەۋىنە بايلانىستى وندىرىستىك جاعدايدىڭ باسقاشا سيپات الىپ وتىرعانىن جەتكىزدى. «قازىرگى كەزدە سۇرانىستىڭ تومەندەۋىنەن ارتىق وندىرىلگەن ءونىم جەراستى ساقتاۋ ورىندارى مەن تانكەرلەردە ساقتالۋدا. ءار ءتۇرلى ەسەپتەۋلەر بويىنشا قويمانى تولتىرۋ مۇمكىندىگى تاعى ءبىر جارىم-ەكى اي سوزىلاتىن جايى بار. ال ناتيجەسىندە تاريحتا بولماعان جاعدايدا قور كولەمى ارتادى. تىپتەن, بىزدەر كۇتپەگەن ستسەناريلەر ورىن الۋى مۇمكىن. ال ونىڭ سالدارىنان باعانىڭ تاعى دا تومەندەپ كەتۋى ىقتيمال» دەپ اتاپ وتكەن ا.نوۆاك سوندىقتان دا مۇناي ءوندىرۋ كولەمىن ازايتۋعا بايلانىستى بىرلەسكەن ءىس-قيمىلداردى جەدەل قابىلداۋ قاجەتتىگىنە توقتالدى. ماڭىزدىسى, وسى بىرلەسكەن ارەكەتتەردە رەسەي, ساۋد ارابياسى, اقش جانە وپەك-كە مۇشە, تىپتەن مۇشە ەمەس ەلدەر دە قاتىسۋى قاجەت.
