رەسەيدىڭ حاباروۆ ولكەسىندەگى امۋر وزەنىنىڭ سۋ دەڭگەيى بۇگىن 792 سانتيمەترگە جەتىپ وتىر. بۇل تۋرالى يتار-تاسس حابارلادى.
بۇگىنگە دەيىن حاباروۆسك قالاسىنداعى 638 ءۇيدى سۋ باسىپ قالعان. قالا اكىمى الەكساندر سوكولوۆ ءبىرىنشى كەزەكتە بالالار مەن قارتتاردى قاۋىپسىز جەرگە كوشىرۋگە تاپسىرما بەردى.
قازىر حاباروۆسكىدەگى ۋاقىتشا باسپانالارعا 108 ادام, ونىڭ ىشىندە 19 بالا جەتكىزىلدى. ال قالاداعى مۇنداي باسپانالار بارلىعى 2,5 مىڭ ادامدى قابىلداۋعا دايىن تۇر.
قالا باسشىسى سونداي-اق اپاتقا ۇشىراعان حاباروۆ اۋدانىنا قاراستى ۋسسۋريسك دەرەۆنياسىندا ناقتى قانشا ادام قالىپ قويعانىن انىقتاۋعا بۇيرىق بەردى. ول جەردە 400-گە جۋىق تۇرعىن بار كورىنەدى.
ايدار ورىسباەۆ.
