قالالىق تاۋارلار مەن قىزمەتتەردىڭ ساپاسى مەن قاۋىپسىزدىگىن باقىلاۋ دەپارتامەنتىنىڭ باسشىسى ايزات مولداقاسىموۆانىڭ ايتۋىنشا, جاقىندا الماتىدا تاعى 3 زەرتحانا كوروناۆيرۋس ينفەكتسيالارىن انىقتاۋعا كوشەدى.
«بىزدە بۇعان دەيىن 3 زەرتحانا جۇمىس ىستەگەن بولسا, بۇعان الداعى كۇندەرى تاعى 3 زەرتحانا قوسىلادى. ولاردىڭ ءبىرى كورەيا مەن قازاقستاننىڭ بىرىگىپ اشقان جەكەمەنشىك زەرتحاناسى. بۇل ۇيىمنىڭ ارنايى رۇقسات قۇجاتتارى بار. سونداي-اق, «وليمپ» كلينيكالىق دياگنوستيكالىق زەرتحاناسىنىڭ دا ارنايى رۇقساتى بار. سوسىن سپيد ورتالىقتىڭ لابوراتورياسى قوسىلاتىن بولدى», - دەدى ونلاين بريفينگ بارىسىندا دەپارتامەنت باسشىسى ايزات مولداقاسىموۆا.
ونىڭ ايتۋىنشا, «وليمپ» كدز بىرنەشە كۇننەن سوڭ جۇمىسقا كىرىسەدى. ال كورەيا-قازاقستاندىق كومپانيا جۇمىس ىستەپ جاتىر. جيتس ورتالىق جۇمىس ماتەريالدارىن جەتكىزۋ بويىنشا كەلىسىم شارت جۇرگىزىپ جاتىر. شاھاردا سوڭعى تاۋلىكتە قاۋىپتى ىندەت جۇقتىرعان ءبىر عانا ناۋقاس انىقتالعان.
