اۆتوموبيل جولدارى سالاسى وتاندىق تاۋار وندىرۋشىلەرگە قيىن كەزەڭدە قولداۋ كورسەتىپ, قازاقستاندىق كومپانيالاردان قۇرىلىس ماتەريالدارىن ساتىپ الۋدا. سونىمەن قاتار, مەردىگەر كومپانيالاردىڭ بانك كەپىلدەمەلەرىن ۇسىنۋ مەرزىمدەرىن ۇزارتۋعا قاتىستى شارالار قولعا الىندى. مۇنداي شارا كومپانيالاردىڭ توتەنشە جاعداي كەزىندەگى جۇمىسىن ەداۋىر جەڭىلدەتە تۇسپەك.
بۇگىنگى تاڭدا قۇرىلىس جانە رەكونسترۋكتسيالاۋ جۇمىستارى جۇرگىزىلىپ جاتقان رەسپۋبليكالىق ماڭىزعا يە اۆتوموبيل جولدارىنداعى بارلىق نىسانداردا سانيتارلىق-ەپيدەميولوگيالىق نورمالار مەن ەرەجەلەر ساقتالعان. ءال ۋچاسكەدە مەديتسينالىق قىزمەتكەر جۇمىس ىستەيدى. سونداي-اق, قۇرىلىس نىساندارىن كۇزەتۋ شارالارى كۇشەيتىلىپ وتىر.
ماسەلەن, جۇمىسكەرلەردىڭ بارلىعى كۇنىنە ەكى رەت مەديتسينالىق تەكسەرىستەن وتەدى. قىزمەتكەرلەر مىندەتتى تۇردە بەتپەردە كيىپ ءجۇرۋى ءتيىس. مەديتسينالىق پۋنكتتەردىڭ بارلىعى بەتپەردەلەرمەن, انتيسەپتيكالىق, زالاسىزداندىرعىش قۇرالدارمەن, تەرمومەترلەرمەن قامتىلعان. بۇگىنگى تاڭدا قۇرىلىس جانە رەكونسترۋكتسيالاۋ جۇمىستارى جۇرگىزىلىپ جاتقان نىسانداردىڭ مەديتسينالىق پۋنكتتەرىندە 28 مىڭ بەتپەردە بار. سونىمەن قاتار, بۇل نىساندارعا كىرۋ مەن ولاردىڭ اۋماعىنان شىعۋ شەكتەۋلى. ماتەريالداردى جەتكىزۋشى كولىكتەر مەن قۇرىلىس تەحنيكاسىنىڭ كىرىپ-شىعۋىنا عانا رۇقسات ەتىلگەن.
قازىرگى تاڭدا رەكونسترۋكتسيالاۋ جۇمىستارى جۇرگىزىلىپ جاتقان جول ۋچاسكەلەرىندە 11 مىڭنان استام ادام قىزمەت ەتسە, تەحنيكانىڭ 6700-گە تارتا بىرلىگى جۇمىلدىرىلعان.
