ء«بىزدىڭ قور بۇل جابدىقتى جانساقتاۋ ءبولىمىنىڭ كوروناۆيرۋسپەن اۋىرعان ناۋقاستارعا جىلدام كومەك كورسەتۋى ءۇشىن بەرىپ وتىر. ءبىز تەك كۇش بىرىكتىرۋ ارقىلى عانا دارىگەرلەرىمىزدىڭ جاڭا ۆيرۋسپەن كۇرەستە جەڭىسكە جەتۋىنە كومەك بەرە الاتىنىمىزعا سەنىمدىمىز. ينفەكتسيانى تەك جابدىقپەن نەمەسە قاراجاتپەن عانا جەڭە المايمىز. كوبىنەسە بۇل ءاربىر قازاقستاندىقتىڭ ءوزىن-ءوزى وقشاۋلاۋعا - COVID-19 تارالۋىنا قارسى ءىس-قيمىلدىڭ نەعۇرلىم ءتيىمدى تاسىلىنە جاۋاپكەرشىلىك تانىتۋىنا بايلانىستى بولادى. مەن بۇكىل قازاقستاندىقتارعا زور دەنساۋلىق, ال ءبىزدىڭ قۇرمەتتى دارىگەرلەرىمىز-جۇقپالى اۋرۋلار ماماندارىنا – پاندەميانى تەزىرەك جەڭىپ شىعۋ ءۇشىن ۇلكەن كۇش-قايرات تىلەيمىن», - دەيدى «ايالا» قايىرىمدىلىق قورىنىڭ پرەزيدەنتى ايدان سۇلەيمەنوۆا
چەحيا مەن پولشادا جاسالعان زاماناۋي جابدىق اۆتوماتتى تۇردە رەتتەگىشپەن جابدىقتالعان. كەرەۋەتتەر ارقا سەكتسياسىن امورتيزاتسيالاۋ ارقىلى وكپە مەن جۇرەك رەانيماتسياسىن جۇرگىزۋگە مۇمكىندىك بەرەدى. اككۋمۋلياتورلىق باتارەيالار ءتىپتى ەلەكتر قۋاتى بولماعان جاعدايدا دا جانساقتاۋ ءىس-شارالارىن ۇزدىكسىز جۇرگىزۋدى قامتاماسىز ەتەدى.
