بايقوڭىر عارىش ايلاعىندا رەسەي ەلىمەن بىرلەسىپ ەكولوگيالىق دەپارتامەنت قۇرۋ ماسەلەسى قاراستىرىلۋدا. بۇل تۋرالى مالىمدەمە جاساعان قورشاعان ورتانى قورعاۋ ءمينيسترى نۇرلان قاپپاروۆتىڭ دەرەگىنە سۇيەنىپ, Gazeta.kz حابارلادى.
«بايقوڭىر عارىش ايلاعى اۋماعىندا قازاقستاننىڭ ەكولوگيالىق كودەكسى جۇرمەيدى. سول سەبەپتى بىرلەسكەن ەكولوگيالىق دەپارتامەنت قۇرۋ ءىسى كۇن تارتىبىندە تۇر. ول ءۇشىن قازاقستان مەن رەسەي ەلى اراسىنداعى ءتيىستى كەلىسىمگە وزگەرىستەر ەنگىزۋىمىز شارت», -دەدى ن. قاپپاروۆ عارىش ماسەلەسىنە بايلانىستى بايقوڭىر قالاسىندا وتكىزىلگەن كوميسسيا وتىرىسىندا.
وسى ايتىلعاننىڭ ءبارى «پروتونعا» قاتىستى كوتەرىلگەن داۋدان تۋىنداپ وتىر. ال مۇنىڭ الدىندا رەسەي ەلىنىڭ ماماندارى بۇقارالىق اقپارات قۇرالى بەتىندە گەپتيلدىڭ ۋلى زات ەكەنىن جوققا شىعارماپ ەدى. سوندىقتان بايقوڭىر عارىش ايلاعىنا قاتىستى سونىڭ ىشىندە قورشاعان ورتانى ساقتاندىرۋ جونىندەگى ناقتى جۇمىس ەندى قولعا الىناتىن سىڭايلى...
دانيار تۇيمەباي.
