سەرۆيس Enbek.kz ەلەكتروندىق ەڭبەك بيرجاسىنىڭ الاڭىندا ورنالاسقان. سونىمەن, ماسق-تان ەڭ تومەنگى جالاقى – 42 500 تەڭگە مولشەرىندە تولەمگە ءوتىنىش بەرۋ ءۇشىن كەلەسى قادامداردى ورىنداۋ قاجەت:
1) 42500.enbek.kz سايتىنا كىرىڭىز;
2)«جاردەماقى الۋ 42 500» تاڭداڭىز;
3) ءوتىنىش بەرۋشىنىڭ اتى-ءجونى, جسن, IBAN نەمەسە جۇمىس بەرۋشىنىڭ بسن, ەلەكتروندى پوشتاسى كورسەتىلگەن نىساندى (فورما) تولتىرىڭىز;
4) نىساندى (فورما) جىبەرۋ كەرەك;
5) جۇيە تەلەفون ءنومىرىن سۇرايدى;
6) تەلەفون ءنومىرىن SMS ارقىلى جىبەرىلگەن كودپەن راستاۋ;
7) ءوتىنىش جىبەرىلدى.ءوتىنىشتى وڭدەپ, «ازاماتتارعا ارنالعان ۇكىمەت» مەملەكەتتىك كورپوراتسياسى» كەاق دەرەكتەرىن تەكسەرگەننەن كەيىن, ءوتىنىش بەرۋشى قابىلدانعان شەشىم تۋرالى SMS-حابارلاما الادى, اقپارات تولەمدى تاعايىنداۋ جانە تولەۋ ءۇشىن ماسق-قا جىبەرىلەدى.
ەستەرىڭىزگە سالا كەتەيىك, توتەنشە جاعدايلار كەزىندە تابىسىنان ايىرىلۋ جاعدايىنا بايلانىستى ماسق-تان الەۋمەتتىك تولەم كەلەسى ساناتتاعى ازاماتتارعا تاعايىندالىپ وتىر.
- ورتا, شاعىن جانە ميكروبيزنەس سۋبەكتىلەرىنىڭ قىزمەتكەرلەرى;
-جەكە كاسىپكەرلەر (بۇدان ءارى – جك);
- جەكە پراكتيكامەن اينالىساتىن ادامدار (نوتاريۋس, جەكە سوت ورىنداۋشىسى, ادۆوكات, كاسىبي مەدياتور) (بۇدان ءارى – جپ);
-بىرىڭعاي جيىنتىق تولەمدى تولەۋشىلەر;
- نىساناسى جۇمىستاردى ورىنداۋ (قىزمەتتەر كورسەتۋ) بولىپ تابىلاتىن ازاماتتىق-قۇقىقتىق سيپاتتاعى شارتتار (بۇدان ءارى – اقس) بويىنشا تابىس تاباتىن, سالىق اگەنتتەرى ولار ءۇشىن مىندەتتى زەينەتاقى جارنالارىن اۋدارعان ادامدار;
- كارانتين ەنگىزىلگەن ەلدى مەكەندەردەگى ءىرى بيزنەس سۋبەكتىلەرىنىڭ قىزمەتكەرلەرى.
وتىنىمدەردى قاراستىرۋدىڭ جانە الەۋمەتتىك تولەمدەردى تاعايىنداۋدىڭ جالپى مەرزىمى – 3 جۇمىس كۇنى.
