شىعىس قازاقستان وبلىسىنىڭ وسكەمەن قالاسىندا كونستيتۋتسيا كۇنىنە بايلانىستى ايتۋلى شارالار اتالىپ ءوتتى. سالتاناتتى شارا كەزىندە شاھاردىڭ سول جاعالاۋىنان جازۋشى ورالحان بوكەيگە ارنالعان ەسكەرتكىش ورناتىلدى. بۇل تۋرالى Gazeta.kz حابارلادى.
ەسكەرتكىشتىڭ اشىلۋ سالتاناتىندا وبلىس اكىمى بەردىبەك ساپارباەۆ, بەلگىلى قالامگەرلەر, جۋرناليستەر, قوعام جانە مادەنيەت قايراتكەرلەرى, سوعىس جانە ەڭبەك ارداگەرلەرى ءسوز سويلەپ, جازۋشىنىڭ قالامگەرلىك قابىلەتى مەن ەلىنە دەگەن سۇيىسپەنشىلىگىن جان-جاقتى اڭگىمەلەدى.
وسى كۇنى ون بەس مىڭنان استام شىعىسقازاقستاندىقتار قاتىسقان مەرەكەلىك شارادا «شەبەرلەر قالاسى» جارمەڭكەسى بولدى. وندا ۇلتتىق قۇندىلىقتارىمىزدى دارىپتەيتىن قولونەر بۇيىمدارى جۇرتشىلىق نازارىنا ۇسىنىلدى. جەرگىلىكتى ونەرپازدار ءان-جىردان شاشۋ شاشىپ, حالىقتىڭ مەرەيىن ءبىر كوتەرىپ تاستادى.
باقىتبەك كەنەش ۇلى.
