«الەمدىك وركەنيەتتىڭ باسىنا تۇسكەن بۇگىنگى ەكونوميكالىق جاعداي بارشاعا ورتاق ماسەلە.
وسىنداي قيىن كەزەڭدە مەملەكەت ەل ازاماتتارىنا الەۋمەتتىك, ەكونوميكالىق, مەديتسينالىق كومەك كورسەتۋ ءۇشىن قاجەتتى شارالاردى قابىلداۋدا. قوعامنىڭ ءار ءبىر ساناتىنا قاتىستى شارالار جەكە قارالۋدا.
قاسىم-جومارت كەمەل ۇلى ءوز مالىمدەمەسىندە شاعىن جانە ورتا بيزنەس وكىلدەرىنىڭ مەملەكەت نازارىنان تىس قالمايتىنىن دا باسا ايتتى. وسى باعىتتا ۇكىمەت كەلەسى شارالاردى ىسكە اسىرادى:
- شاعىن جانە ورتا بيزنەس ءۇشىن بارلىق سالىقتاردى تولەۋ 3 ايعا – 2020 جىلعى 1 ماۋسىمعا دەيىن شەگەرىلدى;
- سالىق مىندەتتەرىن قامتاماسىز ەتۋ شارالارى مەن تاسىلدەرىن قولدانۋ, سونىمەن قاتار سالىقتىق, كەدەندىك قارىزدار مەن الەۋمەتتىك جارنانى تولەۋگە مىندەتتەۋ 2020 جىلعى 1 ماۋسىمعا دەيىن توقتاتىلدى;
- توتەنشە جاعداي كەزەڭىندە مەرزىمى كەلگەن كامەرالدىق باقىلاۋ بويىنشا حابارلاندىرۋ حاتتارىنىڭ ورىندالۋ ۋاقىتتارى 2020 جىلعى 1 ماۋسىمعا دەيىن ۇزارتىلدى;
- ءوز باستاماسىمەن تاعايىندالاتىن مەملەكەتتىك كىرىس ورگاندارىنىڭ تەكسەرۋ شارالارى توتەنشە جاعداي كەزەڭىندە ۋاقىتشا توقتاتىلدى.
- ەكونوميكانىڭ ەڭ كوپ زارداپ شەككەن سالالارىنداعى شاعىن جانە ورتا بيزنەس ءۇشىن 6 ايعا (بيىلعى جىلدىڭ 1 ساۋىرىنەن 1 قازانىنا دەيىن) سالىقتار مەن باسقا دا تولەمدەردى ەسەپتەۋ جانە تولەۋ توقتاتىلدى:
- م ۇلىك سالىعى ء(ىرى ساۋدا نىساندارى, ساۋدا ويىن-ساۋىق ورتالىقتارى, كينوزالدار, مادەنيەت جانە سپورت نىساندارى, تاماقتانۋ ورىندارى, قوناق ءۇي بيزنەسى مەن تۋريستىك قىزمەت ءۇشىن) - جىل سوڭىنا دەيىن 0%;
- جالپى بەلگىلەنگەن تارتىپتە جۇمىس ىستەيتىن جەكە كاسىپكەرلەر ءۇشىن جەكە تابىس سالىعى - جىل سوڭىنا دەيىن 0%;
- اۋىل شارۋاشىلىعى تاۋارىن وندىرۋشىلەردىڭ اۋىلشارۋاشىلىق جەرلەرىنە جەر سالىعى - جىل سوڭىنا دەيىن 0%;
- اگروونەركاسىپتىك كەشەنى سالاسىندا ءىرى قارا مال مەن اسىل تۇقىمدى بالاپاندار يمپورتىنا ققس (ندس) - جىل سوڭىنا دەيىن 0%;
- الەۋمەتتىك ماڭىزى بار ازىق-ت ۇلىك تاۋارلارىنىڭ 19 ءتۇرى ءۇشىن ققس (ندس) جىل سوڭىنا 12% -دان 8% -عا دەيىن;
- الەۋمەتتىك سالىق - 2020 جىلدىڭ 1 قازانىنا دەيىن 0%;
- جالاقىدان جەكە تابىس سالىعى - 2020 جىلدىڭ 1 قازانىنا دەيىن 0%;
- مىندەتتى زەينەتاقى جارنالارى - 2020 جىلدىڭ 1 قازانىنا دەيىن 0%;
- الەۋمەتتىك اۋدارىمدار - 2020 جىلدىڭ 1 قازانىنا دەيىن 0%;
- ءمامس-گە جارنالار مەن اۋدارىمدار 2020 جىلدىڭ 1 قازانىنا دەيىن 0%.
بۇل شارامەن 700 مىڭنان استام سالىق تولەۋشى قامتىلاتىن بولادى.
-ازىق-ت ۇلىك قاۋىپسىزدىگىن قامتاماسىز ەتۋ ماقساتىندا بىرقاتار ازىق-ت ۇلىك تاۋارلارىنا يمپورتتىق باج سالىعىن تومەندەتۋ ماسەلەسى قاراستىرىلۋدا.
فەرمەرلەردى قولداۋعا اسا نازار اۋدارىلىپ وتىر - جوسپارلانعان كوكتەمگى ەگىس ناۋقانى ءۇشىن قوسىمشا قارجىلىق رەسۋرستار قاراستىرىلعان:
- قازاقستاندىق فەرمەرلەرگە «اگرارلىق نەسيە كورپوراتسياسى» اق ارقىلى 5%-دان اسپايتىن مولشەردە 70 ملرد. تەڭگە ءبولىنىپ وتىر;
- اۋىلشارۋاشىلىق تاۋار وندىرۋشىلەرى ءۇشىن ديزەل وتىنىنىڭ باعاسى ليترىنە 165 تەڭگەگە دەيىن نەمەسە نارىقتىق باعادان 15%-عا دەيىن تومەندەتىلەدى.
الەۋمەتتىك قولداۋعا بولىنگەن قاراجاتتىڭ ماقساتتى جۇمسالۋىنىڭ ءتيىمدى تەتىگىن قامتاماسىز ەتۋ ءۇشىن وتاندىق IT-كومپانيالار ارنايى پلاتفورما قۇرۋعا كىرىسەتىنىن اتاپ وتكىم كەلەدى.
قۇرمەتتى قازاقستان ازاماتتارى!
الەمدى تۇساۋلاپ وتىرعان ەكونوميكالىق احۋالدا مەملەكەت تاراپىنان قابىلدانىپ وتىرعان بۇل شارالار سىزدەر ءۇشىن جاسالىپ وتىر. قازاق «بىرلەسە كوتەرگەن جۇك جەڭىل» دەپ بەكەر ايتپاعان. بارشامىز باس قوسا اتقاراتىن ءىس-قيمىلدار ارقىلى عانا ماقساتىمىزعا جەتەمىز. ۇكىمەت ءوز تاراپىنان بارلىق مىندەتتەرىن اتقارادى.
ال, سىزدەردىڭ الدارىڭىزدا ءدال قازىر, كارانتين كەزەڭىندە, ءبىر-اق مىندەت تۇر - ءوز ۇيلەرىڭىزدە وتىرىڭىزدار.
تورتكۇل الەمگە تۇگەل قاۋىپ توندىرگەن دەرتكە نەمقۇرايلىق تانىتىپ, نەمكەتتى قاراۋعا بولمايدى. «ساقتىقتا قورلىق جوق» دەگەن ءسوز بار. بۇل ءوزىمىز ءۇشىن عانا ەمەس, جانىمىزداعى جاقىندارىمىز ءۇشىن دە وتە ماڭىزدى» دەپ جازدى ول.
