ء«بىزدىڭ باعالاۋىمىزشا جالپى ىشكى ءونىم قۇرىلىمىنداعى شاعىن جəنە ورتا بيزنەس ۇلەسى 29,5%-دى قۇرايدى. شاعىن جəنە ورتا بيزنەس سەكتورىندا 3 ميلليوننان استام ادام جۇمىس ىستەيدى. شاعىن جəنە ورتا بيزنەستى نەگىزگى قولداۋ «بيزنەستىڭ جول كارتاسى 2025» جəنە «قاراپايىم زاتتار ەكونوميكاسى» باعدارلامالارى شەڭبەرىندە جۇزەگە اسىرىلادى», دەدى ۆيتسە-مينيستر.
ونىڭ ايتۋىنشا, 2019 جىلى جəنە بيىلعى جىلى وسى باعدارلامالار بويىنشا قولداۋعا يە بولعان كرەديتتىك پورتفەلدىڭ جالپى كولەمى 372 ملرد تەڭگەنى قۇراپ, 5,5 مىڭنان استام جوبا قارجىلاندىرىلعان.
«بۇگىنگى جاعداي بيزنەس جۇمىسىن توقتاتپاۋ ءۇشىن قولايلى جاعداي جاساۋدى تالاپ ەتەدى. ەلدە توتەنشە جاعداي ەنگىزىلگەننەن باستاپ مەملەكەت باسشىسىنىڭ تاپسىرماسى بويىنشا شۇعىل شارالار پاكەتى ازىرلەندى. وسى جۇمىس شەڭبەرىندە ەكى باعدارلاما بويىنشا سوڭعى قارىز الۋشى ءۇشىن سىياقى ستاۆكاسى بىرىزدەندىرىلگەن. ەندى وسى باعدارلامالار بويىنشا كرەديتتەردىڭ قۇنى 6% - دان اسپايتىن بولادى», دەدى ول.
