ايماقتار • 03 ءساۋىر، 2020

شىمكەنت قالاسى اۋماعىندا 4 ءساۋىر ساعات 21:00-دە كارانتين جاريالانادى

620 رەت كورسەتىلدى

بۇگىن شىمكەنت قالاسىنىڭ اكىمى مۇرات ايتەنوۆ الەمدى جايلاعان كوروناۆيرۋس ىندەتىنەن ساقتانۋ ءۇشىن قالا تۇرعىندارىنا رەسمي مالىمدەمە جاسادى. 

«شىمكەنت قالاسىندا تاعى 8 ادامنان كوروناۆيرۋس انىقتالدى. ونىڭ بارلىعى قاۋىپتى ىندەت انىقتالعان ءۇشىنشى ناۋقاستىڭ تۋىستارى مەن جاقىندارى. 1 ساۋىردەن باستاپ بارلىعى وقشاۋلانعان.  ورىن العان جايتقا بايلانىستى، ازاماتتارىمىزدى قورعاۋ جانە ينفەكتسيانىڭ ارى قاراي تارالۋىنىڭ الدىن الۋ ماقساتىندا اتالعان وتباسى تۇرعان تايمانوۆ كوشەسى مەن وعان جاقىن ورنالاسقان سارسەنباەۆ جانە سۇلەيمەنوۆ كوشەلەرىن كارانتينگە جابىلدى. 7 بلوك-بەكەت قويىلدى.

بارلىق پروفيلاكتيكالىق شارالار ءتيىستى دەڭگەيدە جۇرگىزىلىپ جاتىر. بۇگىنگى تاڭدا شىمكەنتتە كوروناۆيرۋس ينفەكتسياسىن جۇقتىرعان تۇرعىندار سانى – 11.
زەرتتەۋلەرگە سايكەس، قاۋىپتى ىندەت انىقتالعان ءاربىر جاعداي ۆيرۋستى جاپپاي جۇقتىرۋعا اكەپ سوعۋى مۇمكىن. ونىڭ سوڭى نەگە اكەلەتىنىن ءبىز جاقسى تۇسىنەمىز. سوندىقتان وقشاۋلاۋدىڭ قاتاڭ ءتۇرى عانا قاۋىپتى ىندەت تارالۋىنىڭ الدىن الادى.

مۇنداي جاعدايدا ءوزىن-ءوزى وقشاۋلاۋ عانا قالا تۇرعىندارىن امان الىپ قالاتىندىعىن تاعى دا ەسكەرتەمىز.
وكىنىشتىسى، تۇرعىنداردىڭ كوپشىلىگى قاۋىپ قاتەردى جەتكىلىكتى دارەجەدە تۇسىنبەۋدە، سەبەبى قالا كوشەلەرىندە قوزعالىس ءالى دە كوپ.

ازاماتتاردىڭ ءومىرى مەن قاۋىپسىزدىگىن، دەنساۋلىعىن ساقتاۋ ماقساتىندا جانە توتەنشە جاعداي جونىندەگى مەملەكەتتىك كوميسسيانىڭ كەلىسىمىمەن 2020 جىلعى 4 ءساۋىر ساعات 21.00-دەن 15 ءساۋىر ارالىعىنداعى كەزەڭدە شىمكەنت قالاسى اۋماعىندا كارانتين جاريالانادى. كارانتين مىنانداي شەكتەۋ شارالارىن قامتيدى:

بىرىنشىدەن، كارانتين كەزىندە شىمكەنت قالاسى باس سانيتارىنىڭ قاۋلىسىندا كورسەتىلگەن مەكەمەلەردەن بولەك مەنشىك نىسانىنا قاراماستان بارلىق مەكەمەلەردىڭ جۇمىسى توقتاتىلادى. ول مەكەمەلەردىڭ ءتىزىمىن اكىمدىكتىڭ رەسمي سايتى مەن الەۋمەتتىك جەلىلەردە جاريالايمىز. قوعامدىق دەمالىس ورىندارى، سونىمەن قاتار ساياباقتار مەن بالالار الاڭشالارىنا بارۋعا بولمايدى.

ەكىنشىدەن، تۇرعىندار مەن كولىكتىڭ بارلىق تۇرىنە شىمكەنت قالاسىنان شىعۋعا جانە قالاعا كىرۋىنە تىيىم سالىنادى. بۇل شەكتەۋدىڭ قاۋلىدا كورسەتىلگەن بەلگىلى ازاماتتار مەن كولىكتەرگە قاتىسى جوق. ولاردىڭ دا ءتىزىمى جاريالانادى.

ۇشىنشىدەن، قالا اۋماعىندا شاعىن ميكرواۆتوبۋستاردىڭ قوزعالىسىنا تىيىم سالىنىپ، ولاردىڭ باعىتتارى بويىنشا اۆتوبۋس قوزعالىسى قويىلادى. قالاىشىلىك قوعامدىق كولىك قوزعالىسى تاڭعى 7.00-دەن 19.00-گە دەيىن عانا جۇزەگە اسادى.

تورتىنشىدەن، قالا اۋماعىنداعى زالالسىزداندىرۋ شارالارى كارانتين مەرزىمى اياقتالعانعا دەيىن كۇشەيتىلەتىن بولادى.

بەسىنشىدەن، ازاماتتاردىڭ ءجۇرىپ-تۇرۋىنا شەكتەۋ قويىلادى. بۇل تۇرعىنداردىڭ ءوزىن-ءوزى وقشاۋلاۋى ءۇشىن جاعداي جاساۋعا باعىتتالىپ وتىر. مۇنداي شەكتەۋلەر مەديتسينا قىزمەتكەرلەرىنە، قۇقىق قورعاۋ ورگاندارىنىڭ وكىلدەرىنە، قالا تىنىس-تىرشىلىگىن قامتاماسىز ەتۋشى كوممۋنالدىق مەكەمە قىزمەتكەرلەرىنە قولدانىلمايدى.
قالا تۇرعىندارى تولىقتاي شەكتەۋ كەزىندە ۇيلەرىنەن ازىق-ت ۇلىك، ءدارى-دارمەك، مەديتسينالىق كومەك، بانك جانە پوشتا قىزمەتتەرىن الۋ ءۇشىن عانا شىعا الادى.

سوڭعى كۇندەرى الەۋمەتتىك جەلىلەردە تاراپ جاتقان ءتۇرلى نەگىزسىز اقپاراتتار تارالۋىنىڭ الدىن الۋ ماقساتىندا، قالا اۋماعىندا كوممەنداتتىق ساعات ازىرشە ەنگىزىلمەگەنىن رەسمي تۇردە مالىمدەيمىن. دەگەنمەن توتەنشە جاعداي كەزىندەگى تالاپتاردى ورىنداۋىمىز كەرەك. كارانتين رەجيمىن بۇزعان ازاماتتاردى قۇقىق قورعاۋ ورگاندارىنىڭ پاترۋلدىك قىزمەتى انىقتايتىن بولادى. سەبەبى ءوزىنىڭ دەنساۋلىعىنا نەمقۇرايلى قاراعان ازاماتتاردىڭ ارەكەتىنەن تۇرعىنداردىڭ باسىم بولىگى زارداپ شەكپەۋى ءتيىس دەپ سانايمىن.

التىنشىدان، شىمكەنت قالاسىنىڭ اۋماعىنداعى توتەنشە جاعداي جانە كارانتين كەزىندە 55 جاستان اسقان تۇرعىندارعا اسا ءبىر قاجەتتىلىكسىز كوشەگە شىقپاۋدى ۇسىنامىز.

جەتىنشىدەن، كارانتين كەزىندە ءتىزىم بويىنشا جۇمىسى توقتاماعان بارلىق مەكەمەلەر قىزمەتكەرىن جۇمىس ورنى تۋرالى انىقتامامەن قامتاماسىز ەتۋى شارت.

سەگىزىنشىدەن، ازىق-ت ۇلىك بازارلارىنىڭ جۇمىس ۋاقىتى 10:00-دەن 18:00-گە دەيىن، قادامدىق قاشىقتىقتاعى ازىق-ت ۇلىك دۇكەندەرىنىڭ جۇمىس ۋاقىتى 10:00-دەن 21:00-گە دەيىن بولىپ قالادى.

توعىزىنشىدان، بارلىق قوعامدىق تاماقتانۋ ورىندارى جەتكىزىپ بەرۋ رەجيمىنە كوشەدى.

ونىنشىدان، ازاماتتاردىڭ قالا اۋماعىندا جەكە كولىگىمەن جۇرۋىنە تىيىم سالىنادى. بۇل تالاپ تىزىمگە كىرەتىن مەكەمە قىزمەتكەرلەرىنە قولدانىلمايدى جانە ول ازاماتتاردىڭ قولىندا جۇمىس ورنى بەرگەن انىقتاما بولۋى كەرەك. سونداي-اق جەكە كولىكپەن ءۇيىنىڭ جانىندا ورنالاسقان ازىق-ت ۇلىك پەن ءبىرىنشى كەزەكتەگى تاۋارلار، مەديتسينالىق قۇرالدار الۋعا جانە جەدەل جاعدايلاردا مەديتسينا ۇيىمدارىنا كومەك الۋعا بارۋعا بولادى» دەلىنگەن قالا اكىمىنىڭ مالىمدەمەسىندە. 

سوڭعى جاڭالىقتار

ەلوردا «قىزىل» ايماقتان شىقتى

كوروناۆيرۋس • بۇگىن، 09:22

الەم چەمپيوناتى باستالدى

سپورت • بۇگىن، 09:09

قۇندى ەرتوقىم

ەلوردا • بۇگىن، 09:05

تىڭ سەرپىلىس بايقالمايدى

سپورت • بۇگىن، 08:59

اسەرلى «ادەبيەت كۋرستارى»

وقيعا • بۇگىن، 08:54

تاۋەلسىزدىك تاعىلىمى

تاۋەلسىزدىكتىڭ 30 جىلدىعى • بۇگىن، 08:52

ون ءبىرىنشى پالاتا

مەديتسينا • بۇگىن، 08:45

جارقىننىڭ جاقسىلىعى

ايماقتار • بۇگىن، 08:39

تىلسىم كۇشپەن ءتىل تابىسقان

تاريح • بۇگىن، 08:36

قىلقالام ۇشىنداعى قۇدىرەت

ونەر • بۇگىن، 08:35

قازاقستان دالاسى قۇرعاپ بارادى

ەكولوگيا • بۇگىن، 07:55

قۇمعا سىڭگەن سۋداي سۋبسيديا

قوعام • بۇگىن، 07:49

دۇبىردەن تۋعان ولەڭ

ادەبيەت • بۇگىن، 07:39

كۇلكىنى ازايتساق قايتەدى؟

قوعام • بۇگىن، 07:39

جانى جايساڭ جاز-اتا

قوعام • كەشە

ۇقساس جاڭالىقتار