ايماقتار • 03 ءساۋىر، 2020

پەتروپاۆل كارانتينگە جابىلدى

14 رەتكورسەتىلدى

بۇگىننەن باستاپ، پەتروپاۆل قالاسى كارانتينگە جابىلدى. وسى كەزدەن باستاپ ەشقانداي كولىكتىڭ قالاعا كىرۋىنە رۇقسات جوق. بارلىق كوشەلەر مەن تروتۋارلار، الاڭدار دەزينفەكتسيالانادى. بارلىق قوعامدىق ورىندار، پاركتەر جابىق.

ەڭبەك جانە حالىقتى الەۋمەتتىك قورعاۋ مينيسترلىگى توتەنشە جاعدايلار كەزەڭىندە تابىسىنان ايىرىلۋىنا بايلانىستى ازاماتتاردىڭ مەملەكەتتىك الەۋ­مەتتىك ساقتاندىرۋ قورىنان (بۇدان ءارى – ماسق) تولەم الۋعا ءوتىنىش بەرۋ ءرا­سىمىن جەڭىلدەتۋ ءۇشىن ارنايى Telegram-بوتتى ىسكە قوسادى. بۇل تۋرالى پرە­زيدەنت جانىنداعى ورتالىق كوممۋنيكاتسيالار قىزمەتىنىڭ بريفينگىندە ۆەدومستۆو باسشىسى ءبىرجان نۇرىمبەتوۆ مالىمدەدى. قالاعا كىرۋ مەن شىعۋ توقتاتىلادى. قوعامدىق كولىكتەر جۇرمەيدى. مەنشىك تۇرىنە قاراماستان بارلىق كاسىپورىن-مەكەمەلەر ءوز جۇمىسىن توق­تاتادى. تەك مەملەكەتتىك ورگان­دار، اكىمدىكتەر، اۋرۋحانالار، ىشكى ىستەر ورگاندارى جانە كوم­مۋنالدىق قىزمەت قانا جۇمىس ىستەيدى. ازىق-ت ۇلىك دۇكەندەرى مەن ءدارىحانالار تاڭەرتەڭگى 10.00-دەن كەشكى 18.00-گە دەيىن عانا جۇمىس ىستەيتىن بولادى. ادامدار تەك قانا جۇمىس پەن دۇكەنگە شىعا الادى. باسقا ۋاقىتتىڭ بارىندە كوشەگە شىقسا پوليتسيا ولارعا 26 مىڭ تەڭگە كولەمىندە ايىپپۇل سالادى. 65 جاستان اسقان ادامدار ۇيدەن مۇلدە شىقپاۋى كەرەك. ولارعا زەينەتاقىنى «قازپوشتا» قىز­مەت­كەرلەرى جەتكىزىپ بەرەدى.

بۇل تۋرالى وبلىس اكىمى قۇمار اقساقالوۆ مالىمدەدى. بري­­فينگ بارىسىندا ءوڭىر باسشىسى اۋىل شارۋاشىلىعى ءونى­مىن وندىرۋشىلەرگە ۇكىمەت 5 پايىز­دىق جەڭىلدەتىلگەن نەسيە بەرە­تىنىن، وعان مەملەكەت باسشى­سىنىڭ شەشىمىمەن مەملە­كەتتىك قوردان 70 ملرد تەڭگە با­عىتتالعانىن جەتكىزدى. وبلىستا ونى الۋعا 300 ديقان تىلەك ءبىلدىرىپتى. ال شاعىن جانە ورتا بيزنەس وكىلدەرى التى ايعا دەيىن سالىقتان بوساتىلادى.

قازىر وبلىستا كوروناۆيرۋس جۇقتىرعان 7 ادام تىركەلگەن. ولاردىڭ ءبارى جۇقپالى ينفەك­تسيالىق اۋرۋلار ستاتسيونارىنا ورنالاستىرىلعان. ناۋقاستارمەن بايلانىسقا تۇسكەن، ارالاسقان ادامدار تولىق انىقتالعان. سوڭعى كۇندەرى قالادا ىندەتكە ۇشى­راعان ءۇش ادام انىقتالدى. ونىڭ ەكەۋى جۇمىسپەن قام­تۋ ور­تالىعىندا ىستەيتىن ارىپ­تەس­­تەرىنەن، تاعى ءبىر ايەل ءوزى ەڭبەك ەتەتىن كاران­تيندىك ستاتسيوناردا جۇقتىرعان. تا­يىن­شا قالاسىنان انىقتالعان، لابورانت بولىپ ەڭبەك ەتەتىن ايەل وزدەرىندە سانيتار بولىپ ىستەگەن ادامنان جۇقتىرعان. قازىر تايىنشا قالاسى مەن كەللەروۆكا اۋىلى دا 14 كۇنگە كارانتينگە جا­بىلدى.

بۇگىندە پەتروپاۆلدا ينفەك­تسيانىڭ بەس وشاعى بار. بۇل – كوپقاباتتى ۇيلەر. اكىم ءوزىنىڭ مالىمدەمەسىندە ولاردىڭ تۇرعىندارىنا شىدامدىلىق تانىتىپ، قيىندىقتى سابىرمەن جەڭۋگە، ۇيدەن شىقپاۋعا شاقىردى. ىندەت جۇقتىرعان ءبىر ايەل №1 قالالىق ەمحاناعا بارعان ەكەن. وبلىس اكىمى مۇمكىندىگىنشە حالىقتى ەمحاناعا بارماۋعا شاقىردى. «ەگەر وزدەرىڭنىڭ بويلارىڭىزدان ىندەتتىڭ سيمپ­تومدارىن سەزسەڭىزدەر، ەشقايدا بارماي، 1406 نەمەسە 103 نومىر­لەرىنە حابارلاسىڭىزدار. ەش­قايدا شىقپاڭىزدار. سوندا عانا ءبىز ىندەتتىڭ تارالماۋىن قام­تاماسىز ەتە الامىز»، دەدى ول.

 

سولتۇستىك قازاقستان وبلىسى

 

سوڭعى جاڭالىقتار

ۇقساس جاڭالىقتار