ەكونوميكا • 02 ءساۋىر، 2020

بيزنەستى جالاقى سالىعىنان بوساتۋ كەرەك

16 رەتكورسەتىلدى

بۇگىنگى ونلاين-جيىنعا باس قوسقان ساراپشىلار مەملەكەت باسشىسى قاسىم-جومارت توقاەۆ دۇرىس شارا قابىلداعانمەن، پروبلەمالار بار ەكەنىن ايتتى.

رەسپۋبليكالىق كاسىپكەرلىكتى قولداۋ ورتالىعىنىڭ ديرەكتورى دميتري كازانتسەۆ پرەزيدەنتتىڭ تاپسىرماسى   بيزنەستىڭ بارلىق تۇرلەرىنىڭ جۇگىن جەڭىلدەتۋ كەرەكتىگىن ايتىپ ءوتتى. ونىڭ تۇسىندىرۋىنشە، قازاقستاندا توتەنشە جاعداي مەن كوروناۆيرۋستىڭ اسەرىن تيگىزبەيتىن بىردە-ءبىر قىزمەت ءتۇرى قالعان جوق.  

توتەنشە جاعداي كەزىندە بيزنەستى قولداۋ ءۇشىن ۇكىمەتتىڭ قابىلداۋى قاجەت شارالار ءالى دە بار. ءۇش جىل بويى سالىق تولەۋدەن بوساتىلعان بيزنەس تۇرلەرىنە جەكە كاسىپكەرلەر عانا ەمەس، سونىمەن بىرگە جاۋاپكەرشىلىگى شەكتەۋلى سەرىكتەستىكتەر دە ەنۋى كەرەك.  سونىمەن قاتار، ول توتەنشە جاعدايدان كەيىن ەكونوميكانى قالپىنا كەلتىرۋ ءۇشىن قازاقستاندىقتارعا الەۋمەتتىك تولەمدەردى جوعارىلاتۋ قاجەت ەكەنىن ايتتى.  

«ۇكىمەتكە توتەنشە جاعداي جويىلعاننان كەيىن نە بولاتىنىن قازىردەن باستاپ ويلانۋ كەرەك. ءتۇسىنۋ كەرەك. الەۋمەتتىڭ تولەم قابىلەتى تومەن بولىپ قالسا، بيزنەستىڭ قۇنى كوك تيىن بولىپ قالادى. بۇل قۇبىلىس، قۇستىڭ قوس قاناتى سياقتى. ونى ءبىر-بىرىنەن ءبولىپ قاراۋعا بولمايدى» دەپ اتاپ ءوتتى د. كازانتسەۆ.

«ەل تىرەگى» كاسىپكەرلەر مەن ونەركاسىپ وداعى  ىسكەرلىك كەڭەسىنىڭ مۇشەسى تيمۋر جاركەنوۆ جالعا بەرۋشىلەر مەن جالدانۋشىلار اراسىنداعى ماسەلەگە دە نازار اۋدارۋ قاجەتتىگىن ايتىپ ءوتتى. «جەكەمەنشىك مەكتەپتەر قازىر ونلاين جۇيەگە كوشكەن. بالالار دا، ۇستازدار دا ۇيلەرىندە. مەكتەپ ورنالاسقان عيماراتتاردىڭ يەلەرى ارەندا اقىسىن تالاپ ەتىپ وتىر. ارەنداتورلار مۇنىڭ سەبەبىن سالىق تولەۋ قاجەتتىگىمەن تۇسىندىرەدى. وسى ماسەلەنى ۋاقىتشا بولسا دا  بىرىزدەندىرەتىن كەز كەلدى» دەيدى  تيمۋر جاركەنوۆ.

تيمۋر جاركەنوۆ بۇل جاعداي ونسىز دا قيىن كەزدە بيزنەسكە قىسىم جاساپ وتىرعانىن ايتىپ ءوتتى. جالعا بەرۋشىلەر سالىق اۋىرتپالىعىن كاسىپكەرلەرمەن بىرگە كوتەرگىسى كەلەتىنى تۇسىنىكتى. كاسىپكەرلەر بولسا قازىر جۇمىس جۇرمەي جاتقان كەزدە  جال اقىسىن تولەۋ قارىزدارىن ەسەلەپ كوبەيتەتىنىن ايتادى. «قۇزىرلى ورىندار وسى ماسەلەنى زاڭ جولىمەن رەتتەپ الماسا، جاعداي قيىنداپ كەتەدى» دەيدى تيمۋر جاركەنوۆ.

سوڭعى جاڭالىقتار

Covid-19: تاعى 3 ادام كوز جۇمدى

كوروناۆيرۋس • كەشە

Covid-19: 184 ادام جازىلىپ شىقتى

كوروناۆيرۋس • كەشە

نۇكتە فيلوسوفياسى

رۋحانيات • كەشە

ۇقساس جاڭالىقتار