سپورت • 02 ءساۋىر، 2020

كوروناۆيرۋسقا شالدىققان باسكەتبولشىلار

29 رەتكورسەتىلدى

وسىعان دەيىن ءبىز رەسەيدىڭ «سپورت-ەكسپرەسس» باسىلىمىنا سىلتەمە جاساي وتىرىپ، كوروناۆيرۋسقا شالدىققان جانە سول دەرتتەن تولىقتاي ايىققان فۋتبولشىلار مەن باپكەرلەردىڭ ءتىزىمىن جاريالاعان ەدىك.

وزدەرىڭىز بايقاعانداي جامان ىندەتتى ەڭ كوپ جۇقتىرعاندار فۋتبولشىلار ەكەن. سول سەكىلدى باسقا دا سپورت تۇرلەرىندە كوروناۆيرۋسپەن اۋىرعاندار كەزدەسەدى. اتاپ ايتساق، باسكەتبولشىلار اراسىندا دا دەرتكە شالدىققان بار. سولاردىڭ اراسىنداعى ەڭ اتاقتىسى كەۆين ديۋرانت ەكەنى داۋسىز. «برۋكلين نەتس» كلۋبىنىڭ 31 جاستاعى شابۋىلشىسى ۇلتتىق باسكەتبول قاۋىمداستىعىنىڭ (ۇبل) ەكى دۇركىن جەڭىمپازى (2017، 2018) جانە ءتورت رەت (2010، 2011، 2012، 2014) سول جارىستىڭ ەڭ ناتيجەلى ويىنشىسى اتاندى. لوندون مەن ريو وليمپيادالارىندا باس جۇلدەنى ولجالاپ، 2010 جىلعى الەم چەمپيوناتىندا توپ جاردى. 10 مارتە ۇبق-نىڭ «جۇلدىزدار ماتچىندا» ونەر كورسەتۋ قۇرمەتىنە بولەنىپ، ەكى رەت (2012، 2019) ەڭ قۇندى ويىنشى بولىپ تانىلدى.  ونىڭ بويى – 206 سانتيمەتر، سالماعى – 109 كيلو.

كەۆين ديۋرانتتان بولەك، «برۋكلين نەتس»، «يۋتا دجاز»، «دەترويت پيستونز»، «بوستون سەلتيكس»، «برۋكلين نەتس»، «فيلادەلفيا سيكسەرس»، «دەنۆەر ناگەتتس»، «لوس-اندجەلەس لەيكەرس» جانە «رەال مادريد» كلۋبتارىنىڭ ويىنشىلارى دا بار.

سولاردىڭ اراسىنان رۋبي گوبەر، دونوۆان ميتچەلل، كريستيان ۆۋد، ماركۋس سمارت جانە تاعى بىرقاتار باسكەتبولشىلار كوروناۆيرۋستان تولىقتاي ساۋىعىپ شىقتى.   

 

سوڭعى جاڭالىقتار

Covid-19: تاعى 3 ادام كوز جۇمدى

كوروناۆيرۋس • كەشە

Covid-19: 184 ادام جازىلىپ شىقتى

كوروناۆيرۋس • كەشە

نۇكتە فيلوسوفياسى

رۋحانيات • كەشە

ۇقساس جاڭالىقتار