ايماقتار • 02 ءساۋىر، 2020

ءتارتىپ ساقشىسىنا قول جۇمساعان تارازدىق تۇرعىن قاماۋعا الىندى

48 رەتكورسەتىلدى

جامبىل وبلىسىنىڭ بايزاق اۋدانىنداعى بلوك-بەكەتىندە كورونوۆيرۋستىق ىندەتتىڭ تارالۋىن بولدىرماۋ ماقساتىندا اۆتوكولىكتەرگە تەكسەرۋ جۇرگىزۋ بارىسىندا، كەزەكشىلىكتەگى تاراز قالاسى پوليتسيا باسقارماسى جەرگىلىكتى پوليتسيا قىزمەتىنىڭ ينسپەكتورى الماتى قالاسى باعىتىنداعى «Toyota Corolla» ماركالى اۆتوكولىگىن توقتاتقان. اتالعان اۆتوكولىكتەگى جولاۋشى ەر ادام زاڭعا باعىنباي، پوليتسيا قىزمەتكەرىنە دەنە جاراقاتىن كەلتىرگەن. وقيعا 1 ءساۋىر كۇنى بولعان.

جامبىل وبلىستىق پوليتسيا دەپارتامەنتىنىڭ مالىمەتىنشە، 34 جاستاعى تاراز قالاسىنىڭ تۇرعىنى پوليتسيا قىزمەتكەرىنىڭ توتەنشە جاعداي تالاپتارىنا سايكەس، ءتيىستى قۇجاتتارىنسىز بلوك-بەكەتىنەن وتكىزبەي شەكتەۋ قويعانىنا قارسى شىعىپ، ونىڭ بەتىنەن جۇدىرىقپەن ۇرعان. كۇدىكتى كىناسىن مويىنداپ، قر قپك-ءنىڭ 128-بابىمەن تاراز قالاسىنىڭ پوليتسيا باسقارماسىنا ۋاقىتشا ۇستاۋ يزولياتورىنا قاماۋعا الىنعان.

«ۇستالعان ەر ادام بۇرىن بىرنەشە رەت سوتتى بولعان. قازىرگى ۋاقىتتا اتالعان دەرەككە قاتىستى قازاقستان رەسپۋبليكاسى قىلمىستىق كودەكسىنىڭ 379-بابى (توتەنشە جاعداي جاريالانعان جەردە بيلىك وكىلىنىڭ زاڭدى تالابىنا باعىنباۋ) جانە 380-بابىمەن (بيلىك وكىلىنە قارسى كۇش قولدانۋ) سوتقا دەيىنگى تەرگەۋ امالدارى جۇرگىزىلۋدە»، دەلىنگەن جامبىل وبلىستىق پوليتسيا دەپارتامەنتى تاراتقان اقپاراتتا.

 

جامبىل وبلىسى

سوڭعى جاڭالىقتار

Covid-19: تاعى 3 ادام كوز جۇمدى

كوروناۆيرۋس • كەشە

Covid-19: 184 ادام جازىلىپ شىقتى

كوروناۆيرۋس • كەشە

نۇكتە فيلوسوفياسى

رۋحانيات • كەشە

ۇقساس جاڭالىقتار