رۋحانيات • 02 ءساۋىر، 2020

جاس سۋرەتشىلەردىڭ رەسپۋبليكالىق بايقاۋى باستالدى

24 رەتكورسەتىلدى

مەملەكەت باسشىسى قاسىم-جومارت توقاەۆتىڭ جانە بالا قۇقىقتارى جونىندەگى ۋاكىل ارۋجان سايننىڭ باستاماسىمەن  «جانۋارلار – مەنىڭ دوستارىم» رەسپۋبليكالىق سۋرەت بايقاۋى باستاۋ الدى.

بالالار اراسىندا وتەتىن سايىستىڭ جەڭىمپازى اۆستريا استاناسى ۆەنا قالاسىنداعى كورمەگە قاتىسپاق. جوبا ۇيىمداستىرۋشىلارىنىڭ ايتۋىنشا سOVID-19 پاندەمياسىن ەل بولىپ ەڭسەرسەك، جاس سۋرەتشىلەرگە الەم تاجىريبەسىن مەڭگەرۋگە مۇمكىندىك تۋادى.  

– جوبانىڭ نەگىزگى يدەياسى – بالالاردىڭ شىعارماشىلىق تۇسىنىگى ارقىلى جانۋارلار الەمىن ساقتاپ قالۋ ماسەلەسىن شەشۋگە كومەكتەسۋ. بايقاۋ يدەياسىن بالالاردىڭ وزدەرى ۇسىندى دەۋگە بولادى. ولار ەرەسەكتەردىڭ ءۇي جانۋارلارىنا جاساعان قاتىگەزدىگى مەن جابايى تابيعاتتى ماقساتسىز جويۋعا قاتىستى ماسەلەلەردى سىناپ الەۋمەتتىك جەلىلەردە ءوز پىكىرلەرىن بىلدىرگەن. اۆتورلارىمىز جۇمىسىن تولىقتاي ءوزى جاساۋى ءتيىس. ءبىر اۆتوردىڭ بىردەن ۇشكە دەيىن جۇمىسى قابىلدانادى. سالعان سۋرەتتىڭ تاقىرىبىنا ارنالعان ەسسە دە جولداۋعا بولادى. جۇمىستاردى 30 ماۋسىمعا دەيىن  قابىلدايمىز. ءوز جۇمىستارىن بالالار alembala.kz سايتىنا جىبەرە الادى»، – دەيدى قازاقستانداعى بالا قۇقىقتارى جونىندەگى ۋاكىل ارۋجان ساين.

ارۋجان سايننىڭ پىكىرىنشە اتالعان بايقاۋ بالالاردىڭ ءوز قۇقىقتارىن جۇزەگە اسىرۋعا، مىندەتتەرى مەن مۇمكىندىكتەرىن پايدالانۋعا ۇيرەتپەك. گۋمانيزم مەن مەيىرىمدىلىكتى بالا كەزدەن قالىپتاستىرۋ ءۇشىن جانە كارانتين كەزىندە جەتكىنشەكتەردىڭ ۋاقىتىن ءتيىمدى پايدالاۋعا سەپتىگىن تيگىزەدى.

سوڭعى جاڭالىقتار

Covid-19: تاعى 3 ادام كوز جۇمدى

كوروناۆيرۋس • كەشە

Covid-19: 184 ادام جازىلىپ شىقتى

كوروناۆيرۋس • كەشە

نۇكتە فيلوسوفياسى

رۋحانيات • كەشە

ۇقساس جاڭالىقتار