ايماقتار • 02 ءساۋىر، 2020

كوروناۆيرۋسسىز قوستاناي

550 رەتكورسەتىلدى

قوستانايدا ماسكا تاقپاعان ادام ماسقارا بولادى. وبلىستىڭ باس سانيتارى بۇگىننەن باستاپ كوشەگە بەتپەردەسىز شىعۋعا تىيىم سالدى. ەندى ماسكا تاقپاعان ادام ەشبىر ەسكەرتۋسىز، بىردەن اكىمشىلىك جاۋاپكەرشىلىككە تارتىلادى. ءتىپتى قاماۋعا الىنۋى دا مۇمكىن. مۇنى بۇگىنگى بريفينگتە قالا اكىمىنىڭ ورىنباسارى اندرەي فينك تە راستاپ وتىر.

قازىر ايماق تۇرعىندارىنىڭ قاۋىپسىزدىگى مەيلىنشە كۇشەيتىلدى. شەكارا جابىق، شەكتەۋ كوپ. توتەنشە جاعداي رەجىمىنىڭ بۇزىلماۋىن ءتيىستى ورگاندار كۇندەلىكتى باقىلاۋدا ۇستاپ وتىر. ولاردىڭ ايتۋىنشا، سوڭعى ەكى اپتا ىشىندە وڭىردە 250 رەجىم بۇزۋشى انىقتالىپ، اكىمشىلىك جاۋاپكەرشىلىككە تارتىلعان. قازىر وبلىس شەكاراسىنا توسقاۋىل بەكەتتەرى جۇمىس ىستەپ جاتىر.  مۇندا جالپى سانى 52 پوليتسەي، 17 مەديتسينا قىزمەتكەرى تۇر. بۇگىنگە دەيىن بۇل توسقاۋىل بەكەتتەرىنەن 1324 كولىك، 577 ادام ءوتىپ، كورشى  وڭىرلەردەن وبلىس اۋماعىنا كىرمەك بولعان 35 اۆتوكولىك كەرى قايتارىلعان. ويتكەنى، ايماقتىڭ باس سانيتارى قول قويعان قاۋلىدا باسقا وبلىس تۇرعىندارىنا قوستانايعا كىرۋگە تىيىم سالىنعان.

وبلىستا ەپيدەميالىق اھۋال تۇراقتى. كوروناۆيرۋس ىندەتىن جۇقتىرعاندار جوق. بۇعان دەيىن شەتەلدەن كەلگەن   2027 ادام ءۇي كارانتينىندە، 246 ادام پروۆيزورلىق  گوسپيتالدا جاتىر. تاۋارلار جانە كورسەتىلەتىن قىزمەتتەردىڭ ساپاسى مەن قاۋىپسىزدىگىن باقىلاۋ دەپارتامەنتى بەرگەن  رەسمي مالىمەت  - وسى.

الايدا كوروناۆيرۋسسىز قوستانايعا ىندەت شاقىرىپ، جالعان اقپارات تاراتۋشىلار كوبەيىپ بارادى. پوليتسيا بۇگىن قوستانايدا كوروناۆيرۋس شىقتى دەگەن جەل ءسوز تاراتقان جەتىنشى ادامدى ۇستادى. مۇندايلارعا جازانى قاتايتپاسا، ازاياتىن ءتۇرى جوق. 

قوستاناي وبلىسى

سوڭعى جاڭالىقتار

Covid-19: تاعى 3 ادام كوز جۇمدى

كوروناۆيرۋس • كەشە

Covid-19: 184 ادام جازىلىپ شىقتى

كوروناۆيرۋس • كەشە

نۇكتە فيلوسوفياسى

رۋحانيات • كەشە

ۇقساس جاڭالىقتار