قوعام • 02 ءساۋىر، 2020

ەلىمىزدە كولىك باعىتتارىنىڭ ونلاين كارتاسى ازىرلەندى

12 رەتكورسەتىلدى

بۇگىن پرەزيدەنت  جانىنداعى ورتالىق كوممۋنيكاتسيالار قىزمەتىندە يندۋستريا جانە ينفراقۇرىلىمدىق دامۋ ۆيتسە-ءمينيسترى قايىربەك وسكەنباەۆتىڭ قاتىسۋىمەن  بريفينگ ءوتتى. بريفينگتە «COVID19» كوروناۆيرۋستىق ينفەكتسياسىن تاراتپاۋ باعىتىندا مينيسترلىك اتقارىپ جاتقان شارالار كەڭىنەن ءسوز بولدى. بۇل تۋرالى ۆەدومستۆانىڭ ءباسپاسوز قىزمەتى حابارلادى.

مينيسترلىك «قازاقتەلەكوم» اق-مەن بىرلەسىپ، «كولىك باعىتتارىنىڭ ونلاين كارتاسىن» ازىرلەگەن. وسى كارتانىڭ كومەگىمەن ونلاين رەجيمدە كولىك قاتىناستارىن قاراپ وتىرۋعا بولادى. كارانتين ەنگىزىلگەن قالالار قىزىل تۇسپەن بەلگىلەنگەن.  

تەمىرجول كولىگى سالاسىندا ەل اۋماعىندا توتەنشە جاعداي جانە جەكەلەگەن قالالاردا كارانتيندىك رەجيم ەنگىزىلگەن ساتتەن باستاپ قازاقستان اۋماعىنا باعىتتالعان كورشى تەمىرجول اكىمشىلىكتەرىنىڭ بارلىق حالىقارالىق پويىزدارى، «قتج» ۇك» اق حالىقارالىق جولاۋشىلار جانە قالاماڭى پويىزدارى توقتاتىلدى. 

ەلىمىز بويىنشا قاتەرلى دەرتتى جۇقتىرعاندار سانىنىڭ ارتۋىنا بايلانىستى اكىمدىكتەر تەمىرجولمەن تۇرعىندار قوزعالىسىن قوسىمشا شەكتەۋ بويىنشا شارالار قابىلدادى. تەمىرجول شارۋاشىلىعى قىزمەتكەرلەرىن تاسىمالداۋعا ارنالعان پويىزداردى قوسپاعاندا قازاقستان اۋماعىندا قاتىنايتىن بارلىق تەمىرجول جولاۋشىلار پويىزدارى توقتاتىلدى. جالپى العاندا، 133 جۇپ جولاۋشىلار جانە قالاماڭى پويىزدارىنىڭ ءجۇرۋى شەكتەلىپ، قالعان 24 پويىز بويىنشا بارىنشا ساقتىق شارالارى قابىلدانادى. حابارلاسقان كۇنىنە قاراماستان جولاۋشىلارعا ساتىپ العان بيلەتتەرىنىڭ قۇنى تولىق كولەمدە قايتارىلادى.   

اۆتوموبيل كولىگىنىڭ بارلىق تۇرلەرىمەن قىتاي، رەسەي، قىرعىزستان، وزبەكستان جانە موڭعوليامەن ەكىجاقتى جولاۋشىلار جانە جۇك تاسىمالداۋ، ونىڭ ىشىندە 117 تۇراقتى باعىت، سونداي-اق ترانزيتتىك جولاۋشىلار تاسىمالى توقتاتىلدى. بىراق، بۇل تىيىم سانيتارلىق-ەپيدەميولوگيالىق تالاپتاردى ساقتاي وتىرىپ جۇزەگە اسىرىلاتىن حالىقارالىق قاتىناستاعى جۇك اۆتوكولىگى قۇرالدارىمەن جۇك تاسىمالداۋعا تارالمايدى.      

سونداي-اق، وڭىرلەردە كارانتين ەنگىزىلگەنگە دەيىن جانە كەيىن اۆتوموبيل كولىگىمەن جولاۋشىلار تاسىمالداۋدى شەكتەۋ بويىنشا ۇسىنىستار بەرىلدى. ول اۆتوۆوكزالدار، اۆتوبەكەتتەر مەن جولاۋشىلارعا قىزمەت كورسەتۋ تىرەكتەرى جۇمىسىن، قالالىق تاسىمالدى قوسپاعاندا اۆتوكولىكپەن جولاۋشىلار تاسىمالىنىڭ بارلىق ءتۇرىن توقتاتۋ; تۇراقتى قالالىق جانە قالاماڭى اۆتوبۋس تاسىمالىن 50%-عا جانە ودان كوپ كولەمدە، سونداي-اق ولاردىڭ تۇراقتىلىعىن شەكتەۋ; تۇراقتى قالالىق جانە قالاماڭى اۆتوبۋس تاسىمالىنىڭ كۇن سايىنعى جۇمىس ۋاقىتىن كارانتين ەنگىزىلگەن وڭىرلەردە ساعات 19-00-گە دەيىن، وزگە وڭىرلەردە ساعات 21-00-گە دەيىن شەكتەۋ; قالالىق جانە قالاماڭى تاسىمالىنداعى اۆتوبۋس سالوندارىندا دەزينفەكتسيا جاساۋ جيىلىگىن ارتتىرۋ، قالاىشىلىك تاكسي تاسىمالىن شەكتەۋ سياقتى شارالاردى قاراستىرادى.       
  
تەڭىز كولىگى بويىنشا اعىمداعى جىلعى 5 ناۋرىزدان باستاپ يراننان كەلەتىن جۇك اۆتوكولىك قۇرالدارىن اقتاۋ جانە قۇرىق پورتتارى ارقىلى وتكىزۋ توقتاتىلدى. 16 ناۋرىزدان شەتەلدەردەن قايتىپ كەلە جاتقان قازاقستاندىق ازاماتتاردى قوسپاعاندا اقتاۋ جانە قۇرىق پورتتارى ارقىلى جولاۋشىلار تاسىمالداۋ تولىقتاي توقتاتىلدى. سونداي-اق، تەڭىز پورتتارىنا كىرۋ كەزىندە شەت ەل كەمەلەرىنىڭ ەكيپاج مۇشەلەرىنىڭ جاعاعا شىعۋىنا تىيىم سالىندى. بۇگىنگى تاڭدا پورتتاردا سانيتارلىق-ەپيدەميولوگيالىق تالاپتاردى كۇشەيتۋ بويىنشا قوسىمشا شارالار قابىلدانىپ جاتىر. پورتقا كەلەتىن جۇك اۆتوكولىكتەرىنىڭ بارلىعىنا دەزينفەكتسيا جۇرگىزىلەدى. ماڭعىستاۋ وبلىسى اكىمدىگىنىڭ شەشىمىنە سايكەس اعىمداعى جىلعى 1 ساۋىردەن باستاپ پورتتاردان شىعاتىن ترانزيتتىك جۇك اۆتوكولىكتەرىن شەكاراعا دەيىن شىعارىپ سالادى.  

سوڭعى جاڭالىقتار

Covid-19: تاعى 3 ادام كوز جۇمدى

كوروناۆيرۋس • كەشە

Covid-19: 184 ادام جازىلىپ شىقتى

كوروناۆيرۋس • كەشە

نۇكتە فيلوسوفياسى

رۋحانيات • كەشە

ۇقساس جاڭالىقتار