ايماقتار • 02 ءساۋىر، 2020

«قايعى كەلسە قارسى تۇر»... ۇيدەن شىقپاي

44 رەتكورسەتىلدى

بۇگىنگى تۇنگى 00 ساعات 00 مينۋتتان باستاپ، پەتروپاۆل قالاسى كارانتينگە جابىلادى. وسى كەزدەن ەشقانداي كولىكتىڭ قالاعا كىرۋىنە رۇقسات جوق. بارلىق كوشەلەر مەن تروتۋارلار، الاڭدار دەزينفەكتسيالانادى. بارلىق قوعامدىق ورىندار، پاركتەر جابىق. قالاعا كىرۋ مەن شىعۋ توقتاتىلادى. قوعامدىق كولىكتەر جۇرمەيدى. مەنشىك تۇرىنە قاراماستان بارلىق كاسىپورىن-مەكەمەلەر ءوز جۇمىسىن توقتاتادى.

تەك مەملەكەتتىك ورگاندار، اكىمدىكتەر، اۋرۋحانالار، ىشكى ىستەر ورگاندارى جانە كوممۋنالدىق قىزمەت قانا جۇمىس ىستەيدى. ازىق-ت ۇلىك دۇكەندەرى مەن ءدارىحانالار تەك تاڭەرتەڭگى 10.00-دەن كەشكى 18.00-گە دەيىن عانا جۇمىس ىستەيتىن بولادى. ادامدار تەك قانا جۇمىس پەن دۇكەنگە شىعا الادى. باسقا ۋاقىتتىڭ بارىندە كوشەگە شىقسا پوليتسيا ولارعا 26 مىڭ تەڭگە كولەمىندە ايىپپۇل سالادى. 65 جاستان اسقان ادامدار ۇيدەن مۇلدە شىقپاۋى كەرەك. ولارعا زەينەتاقىنى «قازپوشتا» قىزمەتكەرلەرى جەتكىزىپ بەرەدى.

بۇل تۋرالى بۇگىن وبلىس اكىمى قۇمار اقساقالوۆ ءوزىنىڭ بريفينگىندە مالىمدەدى. سونىمەن قاتار ول اۋىلشارۋاشىلىعى ءونىمىن وندىرۋشىلەرگە وكىمەت 5 پايىزدىق جەڭىلدەتىلگەن نەسيە بەرەتىنىن، بۇعان مەملەكەت باسشىسىنىڭ شەشىمىمەن مەملەكەتتىك قوردان 70 ملرد تەڭگە باعىتتالعانىن جەتكىزدى. ءبىزدىڭ وبلىستا ونى الۋعا 300 ديحان تىلەك ءبىلدىرىپتى. ال شوب التى ايعا دەيىن سالىقتان بوساتىلاتىن بولىپتى.

قازىر وبلىستا كوروناۆيرۋس جۇقتىرعان 7 ادام تىركەلگەن. ولاردىڭ ءبارى جۇقپالى ينفەكتسيالىق اۋرۋلار ستاتسيونارىنا ورنالاستىرىلعان. ولارمەن بايلانىسقا تۇسكەن، قاتىسقان،  ارالاسقان ادامدار تولىق انىقتالعان. سوڭعى كۇندەرى قالادان ىندەتكە ۇشىراعان ءۇش ادام انىقتالعان. ونىڭ ەكەۋى جۇمىسپەن قامتۋ ورتالىعىندا ىستەيتىن ارىپتەستەرىنەن جۇقتىرعان. تاعى ءبىر ايەل ءوزى قىزمەت ىستەيتىن كارانتيندىك ستاتسيوناردا جۇقتىرعان. تايىنشا قالاسىنان انىقتالعان لابورانت بولىپ ىستەيتىن ايەل وزدەرىندە سانيتار بولىپ ىستەگەن ادامنان جۇقتىرعان. قازىر تايىنشا قالاسى مەن كەللەروۆكا سەلوسى دا 14 كۇنگە كارانتينگە جابىلعان.

بۇگىنگى تاڭدا پەتروپاۆلدا زالالدانعان بەس وشاق بار. بۇل كوپقاباتتى ۇيلەر. اكىم ءوزىنىڭ مالىمدەمەسىندە ولاردىڭ تۇرعىندارىنا شىدامدىلىق تانىتىپ، قيىندىقتى سابىرمەن جەڭۋگە، ۇيدەن شىقپاۋعا شاقىردى. ىندەت جۇقتىرعان ءبىر ايەل ءبىرىنشى قالالىق ەمحاناعا بارعان ەكەن. اكىم، مۇمكىن بولعانىنشا، حالىقتى وسى ەمحاناعا بارماۋعا شاقىردى. «ەگەر وزدەرىڭنىڭ بويلارىڭىزدان ىندەتتىڭ سيمپتومدارىن سەزسەڭىزدەر ەشقايدا بارماي، 14-06 نەمەسە 103 نومىرلەرىنە حابارلاسىڭىزدار. ەشقايدا شىقپاڭىزدار. سوندا عانا ءبىز ىندەتتىڭ تارالماۋىن قامتاماسىز ەتە الامىز»، دەدى ول.

سولتۇستىك قازاقستان وبلىسى

سوڭعى جاڭالىقتار

Covid-19: تاعى 3 ادام كوز جۇمدى

كوروناۆيرۋس • كەشە

Covid-19: 184 ادام جازىلىپ شىقتى

كوروناۆيرۋس • كەشە

نۇكتە فيلوسوفياسى

رۋحانيات • كەشە

ۇقساس جاڭالىقتار