الماتىداعى «شين-لاين» بالمۇزداق فابريكاسى ەلدەگى قيىندىقتارعا قاراماستان ءوز جۇمىسىن جالعاستىرۋدا. 2020 جىلدىڭ 17 ناۋرىزىنان باستاپ فابريكانىڭ شيكىزات جانە دايىن ونىمدەر قويماسى جابىق كارانتيندىك پەريمەترگە كوشكەن.
قازىرگى ۋاقىتتا 400 قىزمەتكەر توتەنشە جاعدايدىڭ بارلىق ەرەجەلەرىن ساقتاي وتىرىپ جۇمىس ىستەۋدە. ولاردىڭ فابريكا اۋماعىنان شىقپاۋى دا باستى نازارعا الىنعان. كومپانيانىڭ قازىرگى كەزدەگى مىندەتى – ءوندىرىستى توقتاتپاۋ جانە جاڭا جاعدايعا جەدەل ارەكەت ەتۋ, تولىققاندى جابىق تەحنولوگيالىق تىزبەكپەن قامتاماسىزداندىرۋ جانە ءوز ونىمدەرىنىڭ 100% قاۋىپسىزدىگىنە كەپىلدىك بەرۋ, ازاماتتىق ۇستانىمدى تانىتۋ, قىزمەتكەرلەر مەن تۇتىنۋشىلارعا قولداۋ كورسەتۋ.
بالمۇزداق بايلانىسسىز تاسىلمەن دايىندالادى, دەگەنمەن تەحنولوگيالىق پروتسەستەردى ادامدار باسقارادى. كوروناۆيرۋس پاندەمياسى كەزىندە ءونىمنىڭ قاۋىپسىزدىگىن قامتاماسىز ەتۋدىڭ جالعىز جولى — سىرتقى الەممەن بايلانىستى تولىق توقتاتۋ», — دەيدى كومپانيا توبىنىڭ پرەزيدەنتى, جابىق پەريمەتر كومەندانتى اندرەي شين.
قىزمەتكەرلەر ءۇشىن جاتىن ورىندارى, دارەتحانالار مەن دۋش بولمەلەرى بار جاتاقحانا ۇيىمداستىرىلعان, اسحانا ءۇش مەزگىل تەگىن تاماقتاندىرۋعا اۋىستىرىلعان, مەديتسينالىق بەكەت تە قىزمەت ەتەدى, جۇمىس اۋىسىمىنان تىس بەلسەندى دەمالۋعا ارنالعان تەننيس ۇستەلدەرى مەن ۆولەيبول الاڭى ورناتىلعان.
فابريكا تاۋلىك بويى جۇمىس ىستەيدى, اراسىندا سانيتارلىق كۇندەر ءۇزىلىسى بار. جابدىقتار مەن ءۇي-جايلاردى قاجەتتى زالالسىزداندىرۋ كۇن سايىن جۇرگىزىلەدى. ايماققا كىرەتىن كولىكتى دەزينفەكتسيالاۋ جانە جۇرگىزۋشىلەرمەن بايلانىسسىز جۇمىس ىستەۋ تەتىگى ويلاستىرىلعان: بارلىق اۆتوموبيلدەر دوڭعالاقتار مەن كورپۋستى دەزينفەكتسيالاۋدىڭ ارنايى ايماعىنان وتەدى, قۇجاتتار ارنايى سىرتقى كونتەينەرلەرگە سالىنادى. سونداي-اق ىشكى بايلانىستار دا بار: شيكىزات قويماسى – فابريكا, شيكىزات قويماسى – اسحانا, فابريكا – دايىن ءونىم قويماسى. وسى تىزبەكتەردىڭ بارلىعىندا ىشكى كارانتيندىك پەريمەتردەگى ادامدار, مەديتسينا قىزمەتكەرى جانە توپ-مەنەدجمەنت جۇرەدى.
كومپانيا ونىمدەرىنىڭ قاۋىپسىزدىگى تەك قازىرگى توتەنشە جاعدايدا عانا ەمەس, سونىمەن قاتار زاۋىتتىڭ بۇكىل قىزمەتىندە – 25 جىل ىشىندە كەپىلدەندىرىلگەن», - دەيدى اندرەي شين.
ونىڭ سوزىنشە, دەنساۋلىققا قاتەردىڭ بولماۋى ءۇش قاعيداتقا نەگىزدەلگەن. بىرىنشىدەن, الەمدىك دەڭگەي جەلىسىندەگى ءوندىرىستىڭ بايلانىسسىز ادىستەرى. ەكىنشىدەن, تەرەڭ شوك مۇزداتۋدى پايدالانۋ جانە سۋىق تىزبەكتى ساقتاۋ, بۇل جاعدايدا شيكىزاتتىڭ تەمپەراتۋراسى –35 وس جوعارى كوتەرىلمەيدى, ال دايىن ءونىمنىڭ تەمپەراتۋراسى –18 وس جوعارى بولمايدى. ۇشىنشىدەن, ساقتاۋ مەرزىمى ۇزاق, ميكروبتار مەن باكتەريالارسىز تەك جاڭا «قاتىرىلعان» بالمۇزداقتى ءوندىرۋ.
فابريكادا تج كەزىندە الەمدىك جانە قازاقستاندىق ساپا ستاندارتتارىنا ساي كەلەتىن بالمۇزداقتىڭ 30- دان اسا سۇرانىسقا يە ءتۇرى وندىرىلەدى. ءونىمنىڭ پورتفەلى ادەيى ازايتىلدى: تۇرلەردىڭ از سانى جاعدايىندا ءونىمنىڭ كيلوگراممەن كوپ كولەمى قامتاماسىز ەتىلەدى. بىراق بومبا, ميشا, بايتەرەك, ميشكا نا پوليۋسە, بەلوچكا, كاراۆان, سماك, كوروۆكا جانە دجۋسيكي جەمىس مۇزدارى بالمۇزداقتارى ساتىلىمدا بار. جابىق پەريمەتردەگى جۇمىستىڭ باسىندا ونىمدىلىگى تاۋلىگىنە 30 توننا بالمۇزداقتى قۇرادى, قازىرگى ۋاقىتتا 60-قا جۋىق, الداعى اپتادا تاۋلىگىنە 80 توننا بالمۇزداق شىعارۋ جوسپارلانىپ وتىر. وتكەن جىلدىڭ سايكەس كەزەڭىمەن سالىستىرعاندا, ساتىلىم 2020 جىلدىڭ ناۋرىز ايىندا 26%-دان استام توننالىق جانە 35%-دان استام اقشالاي سيپاتتا وسكەن.
ەسكيمو جانە «شين-لاين» پلومبيرلەرى قازاقستانداعى ساۋدا نۇكتەلەرىنە جانە رەسەي, بەلارۋس, ءازىربايجان, مونعولياداعى سەرىكتەستەرگە جىبەرىلەدى. ناۋرىزدا ۋكرايناعا العاشقى جەتكىزىلىم جاسالعان.
فابريكا قاجەتتى شيكىزاتتىى مالايزيادان, وڭتۇستىك كورەيادان, رەسەيدەن, بەلارۋستەن جانە ەۋروپادان الدىراتىن كورىنەدى. بالمۇزداقتىڭ ساپاسى مەن دامدىك سيپاتتامالارىنا نۇقسان كەلتىرمەي, يمپورتتىق شيكىزاتتى قازاقستانداعى ينگرەديەنتتەرگە جوسپارلى تۇردە اۋىستىرۋ جۇرگىزىلۋدە.
كارانتين كوپكە سوزىلعان جاعدايدا پەريمەتردەگى قىزمەتكەرلەر الماستىرىلادى. ۇزاق اۋىسىمعا كىرىسۋ ءۇشىن ماماندار فابريكانىڭ الدىندا ورنالاسقان ارنايى ءۇي-جايدا وقشاۋلاۋ جاعدايىندا 14 كۇن وتكىزەدى جانە مەديتسينالىق قورىتىندىدان كەيىن عانا جۇمىسقا جىبەرىلەدى.
«ەسكيمو نەمەسە پلومبير – نان نەمەسە قاراقۇمىق سياقتى ءبىرىنشى قاجەتتىلىكتەگى ءونىم ەمەس, - دەيدى اندرەي شين. — بالمۇزداقتا 100-گە جۋىق اعزاعا قۇندى زاتتار بار. ءبىز ءتىپتى ۆيتاميندەرمەن قوسىمشا بايىتىلعان جاڭا ءتۇردى شىعارۋدى قاراستىرۋدامىز. سونىمەن قاتار, بالمۇزداق اعزادا باقىت گورمونى سەروتونيننىڭ دەڭگەيىن ارتتىرۋعا ىقپال ەتەدى, سوندىقتان كوڭىل-كۇيدى كوتەرەدى جانە سترەسستى جەڭۋگە كومەكتەسەدى».
